MJ Fo Pose Ba Funsionásiu Foun Hamutuk 122
Imajem : Funsionáriu Terras Propriedade foun ne’ebé simu tomada de posse iha Auditórium Ministériu Justisa Dili,10/04/2025
SAPNewsTL, Dili : Reforsa servisu Terras Propriedade atu sai sistematiku iha territoriu nasionál, Ministeiru Justiça(MJ) Sergio de Jesus Hornai fo tomada de posse ba emposada hamutuk 122 pessoas.
Ministru Justiça(MJ) Sérgio de Jesus Fernandes da Costa Hornai hateten, rekrutamentu ba emposada iha Terras Propriedades nian atu halo reforsu ba planu IX governu no identifika frakeza forsa trabalhu hodi reforsa sai sistemátiku.
“Ohin joven sira mai husi munisipiu tomak hodi simu tomada posse atu reforsa ba servisu diresaun Terras Propriedades nian. Sira hanesan funsionariu foun, ami sei buka meius atu eleva sira nia konhesimentu, liu husi formasaun atu sira bele eleva sira nia abilidade no prestasaun molok ba hala’o sira nia knaar, hirak ne’e hotu atu kontribui ba levantementu sistematiku sira”. Dehan Ministru Justiça Sérgio de Jesus Fernandes da Costa Hornai, ba Jornalista sira hafoin fo tomada de posse ba emposada sira iha, auditorium Ministeiru Justiça, Quinta-feira(10/04/2025)
Ministru Justiça haktuir, Emposadu sira ne’ebe mak simu tomada de posse tuir planu sei halo formasaun ba sira atu bele hasa’e konhesimentu no bainhira ba servisu sira bele kontribui hamutuk ho sira nia superior sira.
“Ita nia objetivu mak lori agente funsionariu sira ba to’o iha munisipiu hodi garatia servisu ne’ebe mak diak iha Terras Propriedades, ita mós hatene katak servisu Terras propriedades ne’e servisu ida ne’ebe mak komplexu, nune’e antes ba servisu emposada sira ita prepara sei tuir formasaun hodi bele kontribui” Nia informa
Ministru Justisa Sergio de Jesus Hornai
MJ husu emposada sira atu servisu ho responsabilidade no servisu hamutuk ho sira nia superior hodi bele manan esperiensia iha servisu loron-loron nian.
“Serteja imi sei hasoru difikulta oioin bainhira tama servisu maibe tenke servisu iha unidade, paisaun, servisu ho lealidade no responsabilidade, atu bele hariku ita bo’ot sira nia aan no labele hamosu konfiltu”.
Iha Fatin hanesan emposada, Domingos Sarmentu sente kontente no orgulhu ba atinjimentu hodi bele kontribui ba servisu Terras propriedades nian
“Ha’u hanesan empoxada sente kontente tanba bele to’o atinjementu ne’e, agradese ba Maromak tanba bele fo iss moris mai ha’u hodi tuir prosessu sira n agradese ba Ministeriu Justisa liu husi Terras Propriedades ne’ebe mak fo oportunidade mai ami hodi bele konkore iha konkursu públiku ida ne’e tuir ami ida-idak nia kapasidade.” Nia haktuir
Enkuantu, emposadu hirak ne’e mai husi 12 munisipiu hamutuk 122 ho tekniku profissional Grau D hamutuk 98 no Grau E hamutuk 24, serimoniann ne’e preside husi Ministériu Justiça Sérgio de Jesus Fernandes da Costa Hornai hamutuk ho representante Presidente Komisaun Funsaun Públika.
Jornalista: Marcela Mery da Costa & Conzita Mota