Molok Aviaun Monu ! Telefone Maibé La Foti, Ha’u Hadomi O, Mama
Imajem : Familia Pasajeiru tanis tanba lakon sira nia familia iha asidente aviaun monu iha Korea-Sul,29/12/2024. Foto : Média Corea Sul
SAPNewsTL, Korea-Sul : Molok aviaun ne’ebé hetan dezastre iha Korea Sul hodi rezulta pasajeirus hamutuk 179 lakon vida no 2 kanek. Pasajeiru ida fo mensagem ikus ba nia mama hodi dehan “Ha’u telefone maibe mama la foti, ha’u hadomi o, Mama”.
Mensajem ikus hosi pasajeiru ida ba ninia inan, molok aviaun hetan asidente hodi halakon sira nia vida iha minutu ida nia laran.
“Mama, sira dehan iha manu ida kona ka trava aviaun nia mesin halo aviaun nia roda la funsiona, derrepente sira dehan mai ha’u atu bolu”.Korea-Sul, 29/12/2024. SAPNews screenshot mensajem ne’ebe viral iha sosial media mundu nian.
Hafoin pasajeiru ne’e telefone ninia inan maibe la konsege foti telefone husi nia oan, nune’e nia haruka tan mensajem ba nia mama hodi dehan katak nia hadomi ninia mama.
“Tanba mama la simu telefone, ha’u envia mensajem ba mama, Ha’u hadomi o”. Korea-Sul, 29/12/2024. SAPNews screenshot mensajem ne’ebe viral iha sosial media mundu nian.
Imajem : Aviaun Jeju Air Co ne’ebe monu iha Korea-Sul, 29/12/2024.
Aviaun ho marka AIRBUS A330-300, Jeju Air Co ne’e sofre asidente maiz ou menuz tuku sia dader iha loron Domingu, 29 Dezembru 2024, hafoin fila hosi Tailandia atu halo aterrajem iha Aeroportu Internasional Muan iha provínsia South Jeolla, pelu menus 288 kilómetru dook hosi Seul.
Asidente ne’e rezulta ema na’in 179 mate, no ema na’in rua hetan salva. Pasajeiru hirak ne’ebé iha aviaun laran maioria ema Koreia-Súl inklui sidadaun Tailándia na’in-rua.
Hafoin asidente ne’e akontese, Amu Papa Francisco dirije mensajem ba vítima sira no sira nia família sira ho laran triste tanba pasajeiru hamutuk 177 lakon vida, rua lakon no rua deit mak moris.
“Ha’u nia hanoin ba família barak iha Koreia-Súl ne’ebé maka ohin triste hela, hafoin asidente aviaun ne’ebé maka sofre asidente dramátiku. Ha’u nia orasaun ida ba sobrevivente sira no matebian sira.” Tenik Santu Padre Papa Francisco iha Vatikanu, 30/12/2024. SAPNews Screenshot
Akontesimentu ne’e halo kanek sidadaun barak iha mundu nia fuan, sidadaun hosi nasaun oioin maka hato’o sira nia sentidu kondolénsia, laran triste no fo deskansa ho hakmatek ba sira ne’ebe mate iha asidente dramátiku ne’e.
Fo hanoin fali katak husi loron 23-29 fulan Dezembru 2024, aviaun hamutuk lima mak hetan asidente hodi rezulta ema hamutuk 220 lakon vida.
Jornalista : Dircia Baptista Belo
