Molok Termina Mandatu, SEPC Distribui Karreta 22 Ba Membru Sira Husi Munisipiu 10

SAPNewsTL,Dili : Molok termina mandatu Governasaun da ualu, Sekretariu Estadu Protesaun Sivil (SEPC) hala’o seremonia distribuisaun ekipametos karreta 22 ba Membru Autoridade Protesaun Civil (APC sigla Portugés) iha munisipiu 10 hodi hare’e ba problema dezastre iha territoriu Timor Leste

SEPC realiza serimonia distribui karreta operasaun no kareta bombeirus ba komandu APC nasional, no chefe gabinete , diretores nasionais no komandu APC munisipais sira hodi hala’o primeiru intervensaun ba asaun salva vida no hamate ahi han Komunidade sira nia uma. no kareta operasaun nian hodi hala’o aktividades diariu iha munisipiu 10

“Ohin, SEPC distribui ou entrega karreta operasaun hanesan bomberos, autoscada, hilux ba komando APC nasional, no chefe gabinete, diretores nasionais komandu APC munisipiu sira hodi kontrola munisipiu 10. Hodi hala’o asaun salva vida, hamate ahi han komunidade sira nia Uma” Dehan Secretariu Estado Autoridade Protesaun Civil, Joaquim Gusmao Martins ba jornalista iha fatin APC Caicoli,Kuinta (08/06/2023)

Governante ne’e mos husu ba motorista sira atu kuidadu equipamentu sira ne’e hodi fo apoiu ba komunidade sira ne’ebe mak hetan dezastre iha territoriu tomak

“Husu ba komandu munisipiu no motorista tenki tau atensaun no toma Konta, ba karreta sira ne’e. karreta sira ne’e ita hola ho osan povu no estadu sira nian,responsabilidade ne’ebe boot hodi kuidadu ekipamentos sira ne’e. Ekipamentu sira ne’e ita uza hodi apoiu ba Ita Nia komunidade sira iha munisipiu ida Idak” Informa nia

Sekretariu Estadu ne’e informa katak durante nia mandatu iha planu prinsipal ha’at ne’ebe mak nia halo no nia espera governu foun ne’ebe mak mai bele aumenta tan programa sira halo barak

“Durante ha’u nia mandatu iha planu estrateziku haat mak hanesan tuir mai ne’e, dahuluk halo enquadramentu legal ba lei sira liu-liu atu hari’i SEPC, daruak mak atu hasa’e kapasidade estaf sira nia iha SEPC, datolu mak infrastrutura ekipamentos ba iha SEPC, no kooperasaun bilateral. ho servisu ne’ebe mak iha ha’u nia mandatu, no programa sira kontinua, no aumenta diak liu tan iha futuru oin mai”Tenik nia

SEPC hateten tuir dadus ne’ebe mak arquiva durante nia mandatu SEPC entrega ekipamentos karreta ne’e kompostu husi bomberos , Autoskada, Hilux ba Komando APC Nasional, no Chefe Gabinete , diretores nasionais no komando APC munisipais mak hanesan karreta Bomberos 10, Autoskada ida(1), Hilux 21 no munisipiu sanulu mak hetan ekipamentos no munisipiu haat(1)mak lahetan Mak hanesan Atauro,Baucau, Covalima, Oecusse mak la hetan ekipamentos husi atividade ohin loron nian.

Jornalista : Antonio Tilman