MOP No UNTL Asina Akordu Koperasaun, Semana Oin Vizita Fakuldade Engenharia

SAPNewsTL, Dili: Ministériu Obras publika (MOP), Bee Timor Leste selebra akordu ho Universidade Nasionál Timor Lorosa’e (UNTL), Objetivu husi asina akordu ida ne’e atu hametin relasaun ho Ministériu Obras Públikas No Bee Timor Leste hodi bele kontribui ba infraestrutura sira nasaun nian

Iha Intervista, Magnifika Reitor João Soares Martins hateten UNTL interese teb-tebes atu halo koperasaun ho Ministériu Obras Públikas no  Bee Timor Leste

“Ami iha fakuldade enjenharia siénsia  teknologia, fakuldade siénsia ezatas ne’ebe forma iha enjenaria area sira Informátika, Geologia, Civil no mos iha fakuldade siénsia ezata ne’ebe graduado sira iha fakuldade rua (2), Graduadu sira barak mak servisu iha ministériu no kompanha ne’ebe  envolve iha area estrutura”. Tenik Reitor UNTL ba Jornalista sira iha sala video konferensia UNTL formosa, Quinta (11/08/2022).

Entretantu, Reitor UNTL ne’e hatutan asinatura ne’e bele fasilita estudante UNTL bele halo pratika iha ministériu Obras Públikas no BTL.

“UNTL bele promove nia produtu  teknologia para hamutuk ho Ministériu Obras Públikas no Ministériu Agrikultura, enkuantu, halo ona konkordansia no semana oin sei ba vizita fakuldade enjenharia para haree Obras estudantes ne’ebe furak teb-tebes”. Informa nia

Entretantu, Ministériu Obras Públikas hateten objetivu husi Memoramdun Of Understanding (MOU) ida ne’e atu hametin relasaun ho estrutura universidade nasionál estadu nian, para oinsa kria kondisaun para servisu hamutuk

Iha sorin seluk, Ministériu Obras Públikas Abel Pires da Silva hateten Ponte Bekusse iha risku, tanba ne’e sei sobu no halo fali foun

“Ita deside ponte existente maibe nia desenhu ne’e hamosu ona inundasaun dala rua (2), ba sosiedade, ha’u nu’udar Ministru simu ita nia inan aman ha’u senti sofre inundasaun dala (2), ha’u lakohi tan risku sira ne’e mosu tan, semana kotuk tan mos sei udan entaun risku ne’e sei iha hela, tanba ne’e mak ita presiza sobu ponte existente ne’e” Nia dehan

Ministru ne’e akresenta Ponte sobu ne’e osan kiik oan hela, osamentu ba ponte temporáriu mos osan kiikoan hela la to’o 100 mil, tanba foti de’it mak ponte ne’ebe la uza ona iha munisipiu Covalima

Iha fatin hanesan, Prezidente Bee Timor Leste Carlos dos Reis hateten durante ne’e fokus ba fasilidade, maibe seidauk konsege tau matan didiak ba funsionamentu sistema bee nian

“Iha investimentu sira operasaun manutensaun ba area rural sira, durante ita fokus liu ba grupu maneja fasilidade, Sira tenki rekolla husi  rekursus  komunidade nian, na realidade ida ne’e sira hasoru problema lubuk bo’ot ida liliu ba bee ne’e, Ita la konsege tau matan ba iha sistema ne’ebe iha hodi funsiona”. Hatete Presidente Bee Timor Leste Carlos dos Reis

Nia informa, Munisipiu Dili, Baucau, Viqueque, Manufahi no Lautém sei iha hela faze no nia projeitu sei la’o iha tempu badak

“Agora daudaun Ita haree 13 Munisipiu, ita nia komunidade sira sei halerik ba bee moos no halo manutensaun ultrapasa ba ita nia komunidade Sira, iha Dili Baucau Viqueque  Manufahi no Lautém, iha hela dezenhu nia laran no Baucau nian ami dezenhu hotu ona se Postu La’o di’ak sira husi MTCI bele ba ona atu halo projetu  bee nian ba Baucau iha tempo badak”. Nia salienta

Enkuantu, Munisipiu Viqueque no Dili hatama ona draf no reviu hela, Munisipiu Lautem no Manufahi sei iha prosesu laran molok tama fim do Ano.

Jornalista : Esmeralda da Silva & Antonio Tilman

Editor       : Ekipa Editorial