Nahdlatul Ulama Loke Ramu Iha TL, Fokus Ba Paz No Fraternidade Humana
SAPNewstl, Dili : Diretór Teritoriál Nahdlatul Ulama (NU) Nusa Tenggara Timur (NTT), Ibrahim Arif ho ekipa no akompaña husi Vise Prezidente Konsellu Nasionál Islamika Timor-Leste (KONISTIL), Abdullah Inasio António Soares audiénsia ho Prezidente Repúblika (PR), José Ramos-Horta, objetivu husi audiensia ne’e hodi estabelese nia ramu ida iha Timor Leste no servisu hamutuk ba paz no estabilidade.
“Onra tebes bele hasoru malu ho Prezidente Repúblika Timor-Leste, José Ramos-Horta, Objetivu husi vizita ne’e atu hakle’an diskusaun ne’ebé liga ho servisu hamutuk NU, hari’I ramu ida iha Timor hodi kontribui paz no estabilidade entre nasaun rua” Dehan Diretór Teritoriál NU,NTT, Ibrahim Arif, ba jornalista sira iha palásiu prezidensiál Bairo-Pite Dili, kuarta-feira (17/08/2022).
Nia Sublina, oras ne’e dadaun organizasaun Muslumanu NU nia tama ona iha nasaun 74, no hein katak, Timor-Leste sei sai nasaun 75 ne’ebé NU estabelese nia ba.
“NU nia misaun importansia liu ba Direitus Humanus no kombate trafiku umanu, inklui negosiu ilegal sira ne’ebé lori risku ba sosiedade, NU nia servisu tomak foka liu ba Direitus Humanus, Toleransia, Igualidade tuir konseitu Prezidente Repúblika, José Ramos-Horta nia atu promove Fraternidade Humana”. Nia Tenik
Nia esklarese, husi enkontru ne’e, Prezidente Repúblika fó apresiasaun ba NU nia servisu sira no ida ne’e sei sai hanesan motivasaun ida, atu NU nafatin halo follow-up ba servisu hotu ne’ebé liga ho Toleransia, Direitus Humanus no igualidade.
“Ema hotu sei servisu hamutuk atu promove buat di’ak sira, hodi garante moris hakmatek iha sosiedade liu-liu Timor-Leste no Indonézia, atu bele tau iha implementasaun prátika di’ak iha fronteira hodi garante paz no estabilidade” Nia relata
NU nu’udar organizasaun relijiozu muslumanu, iha konseitu ideial ho umanidade, tanba ne’e NU sei sai hanesan Organizasaun Islamiku ne’ebé sei fó apoiu tomak ba esforsu rekonsiliasaun ne’ebé Prezidente Repúblika, José Ramos-Horta halo dadaun ho Timoroan sira iha NTT
“Esensia umanidade ne’ebé sai hanesan isue internasionál no nasionál, NU sei halo esforsu hotu atu halo estudu hodi hakle’an ba sosiedade hotu” Nia Heteten
Iha biban hanesan, Vise Prezidente KONISTIL, Abdullah Inasio António Soares, hatete, KONISTIL hanesan instituisaun ida ne’ebé toma responsabilidade masimu ba Musulhumanu iha Timor-Leste.
“Ohin Vise Prezidente KNSTL, mak akompaña bainaka NU,NTT ne’ebé mak hanesan Seken Belens ba programa vizita, Prezidente Repúblika Demokrátika de Timor-Leste ba Indonézia, atu promove Fraternidade Humana mak sai hanesan ezemplar ba mundu tomak liliu país viziñu Indonézia”. Nia Dehan
Hanesan ohin ita nia maluk balu husi NU, sira aprejenta sira nia programa, ita hanesan uma na’in, ami mós aprejenta ita nia estadu ou Governu konstitusionál, ida ne’ebé mak presiza ita respeitu Timor no Musulhumanu presiza ita respeitu no toleransia moris iha nasaun ida ne’ebé mak iha unidade.
“Nia akresenta tan katak, NU ba vizita iha fatin KONISTIL, nune’e husi KONISTIL apresenta Timor-Leste nia Lei konstitusionál, nu’udar país ne’ebé mak independénsia, husu ba NU presiza respeitu Bilateral relasaun entre hotu-hotu hala’o hanesan Timor-lestee”. Nia Tenik
Alende ne’e Vise Prezidente KONISTIL, haktuir kona-ba NU nia atu estabelese iha Timor-Leste, kona-ba atu loke sira ramu iha Timor-Leste, ne’ebé seidauk sei prosesu naruk no la fasil
“agora daudauk ne’e faze primeiru, NU tama iha faze ida naran konsolidasaun, nune’e programa ohin hato’o ona ba Prezidente, maibé ida ne’e presija haan tempu naruk, presija liu husi legalidade, ita presiza prense rekejitu lubuk boot ida ne’ebé mak atu bele hetan lisensa husi estadu” nia hakotu.
Jornalista : Marcela Mesquita Lemos
Editor : Ekipa Editorial