Ninja Foun Iha Bobonaru ! Tenta Hamonu Ema Na’in 3 Inklui Ferik 1 Husi Motor

SAPNewsTL, Bobonaru : Ohin mosu tan ninja foun iha Suku Saburai Postu Administrativu Maliana, Munispiu Bobonaru, iha ne’ebe ema deskunhesidu nain haat tenta hapara motor ida ne’ebe tula nia ferik ida ho labarik ida hodi baku no tebe sira monu husi motor.

Tuir informasaun ne’ebe SAPNewsTL asesu liu video ne’ebe viral iha media sosial hatudu katak ninja foun ne”e mosu iha  Suku Saburai, Postu Maliana, Munisipiu Bobonaru ohin (26/12/2023).

Iha publikasaun video ne’e, hatudu katak ninja ne’ebe otas sei joven nain hat(4) refere tenta hapara motor ida ne’ebe tula ferik ida ho oan inklui joven mane ida ne’e hodi baku, tuku no  tebe, ikus mai motor monu halo ema na’in tolu ne’e monu husi motor.

“Bainhira sira hapara, sira baku motorista ne’e, motorista halerik bolu ama ! Avo ne’ebe tur iha kotuk ne’e husu atu sira nain haat labele halo asaun refere maibe sira  nain haat kontinua halo to’o sira monu husi motor leten”. SAPNewsTL screenshop iha media sosial,  Bobonaru, 26/12/2023

Ema nain haat ne’e, nain 3 mak uza faru metan kesi iha ulun no taka metin sira nia oin. Joven ida mak uza jaket mutin hodi taka iha ulun.

Hafoin video ne’e publika no viral iha media sosial, halo nitizen barak sente preokupa no husu ba parte autoriedade seguransa liliu Polisia Nasional Timor-Leste (PNTL) no Polisia Sientífika Investigasaun Kriminal (PSIK) hodi buka tuir autor nain haat ne’ebe viola ordem publika iha Munisipiu Bobonaru.

Hafoin, Notisia ne’e publika SAPNewsTL tenta atu halo konfirmasaun ho parte Munisipiu Bobonaru maibe seidauk hetan resposta kona ba kazu ne’e.

Maske nune’e, maibe Jornalista SAPNewsTL sei kontinua rekolla informasaun kompletu hodi publika iha oras tuir mai.

Enkuantu, antes ne’e mosu mos ninja foun iha Postu Administrativu Zumalai, Munisipiu Covalima, iha ne’ebe perturba ordem públika maibe ohin intervensaun parte polísia to’o ohin loron asaun ne’e laiha ona.

Jornalista : Marcela Mesquita Lemos