Ohin, Komunidade Hamutuk 2.000 Kolleta Meci Iha Loré

Imajem : Meci

SAPNewsTL, Díli — Administrador Postu Administrativu (APA) Lore Munisípiu Lautém Joanico dos Santos informa komunidade hamutuk rihun rua resin preparadu partisipa atividade koilleta Meci ka ular tasi durante loron rua (2).

Hafoin hetan intervista husi Média SAPNews Administrador Postu Administrativu (APA) Lore Munisípiu Lautém Joanico dos Santos hateten, istorikamente atividade koilleta Meci sai hanesan kultura ba komunidade Loré desde beiala sira nia tempu to’o ohin loron.

“Meci sai ona tradasisaun, kultura ka rikeza ba postu Lore no meci hanesan milagre ida ba komunidade postu Lore tanba Postu Loré Munisipiu Lautém identifika meci ka ular tasi depende ba tempu entaun nia mosu iha Loré hanesan milagre ida wainhira derepenti nia lakon de’it tuir nia tempu”. Dehan Administrador Postu Administrativu ba SAPNews bainhira intervista iha Sekretáriadu SAPNews Fatuhada, Domingu (16/03/2025).

Administrador Lore afirma, tuir historia maun alin nain rua husi uma lisan Chailor pertense ba postu Lore mak deskobre meci ka ular tasi bainhira sira ba tasi hodi buka ikan, bazeia ba istoria ne’ebe haktuir husi beiala sira meci sai hanesan hahan ba komunidade Lore.

“Meci hanesan istorikamente uluk ita-nia beiala sira mak hetan no deskobre ida ne’e lisan Chailor mak deskobre animal ida neʼebé ita hanaran Meci no sira nain rua husi familia ida Chailor maun alin neʼebé ba tasi hodi buka ikan iha tasi laran maibé wainhira iha tasi laran sira hasoru animal boot ida hanesan nú huun ne’ebé toba latan hela iha tasi leten”.

Tenik nia m, husi historia ne’e ikus mai sira deside aumenta tan uma lisan nia naran husi Chailor ba ta’ana katak ta’a ain tanba nia maun ta’a nia ain wainhira atu taa animal ne’e, ida ne’e mak sira uluk ne’e lisan Chailor maibe sira aumenta iha ta’ana.

“Wainhira sira komesa kolleta oituan hodi lori mai uma te’in no han maibe sira husu ba malu, nia maun dehan husik ha’u mak han uluk, nune’e ha’u mate karik, ita boot bele konta tuir ba ema hotu no konta tuir ba ita nia jerasaun katak ida ne’e labele han, wainhira nia han iha nia sabor katak midar ikus mai haruka nia alin hodi han no fahe oituan ba sira nia viziňu neʼebé hela besik ho sira”.

Nia esplika tinan ne’e loron 20-21 mak komunidade sira determina hodi koilleta meci ka ular tasi, entaun komunidade sira hamutuk ho intelektuias no universitáriu sira ne’ebe pertense ba postu lore, inisiativa prepara hodi realiza atividade kolleta meci.

“Planu iha Loré komesa konta fulan ne’ebé nakukun hahú husi dia 16 no sira konta to’o dala haat hotu, ita kolleta iha dia 20 Marsu 2025 tanba ida ne’e mak planu hakarak atu publika ba ita hotu katak kolleta meci ba tinan ida ne’e, ita sei hala’o iha dia 20-21, entaun ita hamutuk ho joven no intelektuais sira organiza malu hodi prepara ba atividade ida ne’e”.

Iha fatin hanesan, Representante Komisaun Organizador Bernardino Marques, iha 2020 iha aldeia rua ne’ebe bolu naran Joval mak aldeia Horolata no Vailana, aldeia rua ne’e mak akumula joven sira hamutuk komisaun organizadora oinsa bele organiza atividade koilleta meci.

“Komisaun kiik oan ida iha ne’eba no momentu iha 2020, ami haree katak ita presija buat ruma hanesan Lore oan no iha momentu 2021, ami hamutuk ho joven sira no estudante sira ne’ebe mak iha universidade sempre tur hamutuk antes atu ba dezembru sira komesa planu, nune’e ami bolu eventu ne’e Festival”.

Atividade festival kolleta meci nian iha momentu ne’eba kolega sira konsege harii komisaun servisu hamutuk ho autoridade suku no joven sira iha suku rua Lore I no Lore II, tur hamutuk ho autoridade lokal suku rua ne’e junta planu hodi realiza festival kolleta meci.

Bernardino Marques hatutan dejafiu ba komisaun mak dalan dook, estrada aat no menuz finanseira maibe momentu ne’ebe importante ba Timor oan sira hodi kolleta meci.

“Ami nia dejafiu mak estrada aat, dalan dook no falta finanseiru ba atividade adisional sira hanesan deportu, arte no kultura, maibe ami agradese tanba feira ne’e mos apoiu fundu husi Ministeriu Turizmu no Meiu Ambeinte”.

“Kritériu atu asesu ba kolleta meci mak labele pinta ibun, rega mina morin no ba fokus hodi kolleta meci tanba dala ruma ita hetan uituan ka barak depende ba ita nia esforsu”.

Komisaun organizador ne’e mos husu ba Lautém oan sira hodi partisipa ativa iha festival kolleta meci ne’e tanba ne’e momentu úniku no importante tebes  ba jerasaun foun sira.

Fo hanoin fali katak, kolleta meci ne’e halo ona ba tinan dala lima hahú husi 2020 to’o ohin loron 20 to’o 21 fulan Marsu 2025.

Jornalista : Conzita Mota & Guilhermino Ramos