OJE 2026 Ba MACLN Hamutuk $𝟏𝟗𝟗,𝟗𝟎𝟔,𝟐𝟐𝟕 Pasa Iha Espesialidade

Imajem : Ministro Assunto Combatentes da Libertação Nacional (MACLN) Gil da Costa “Oan Soro” iha PN, 18/11/2025. Foto : Media GPM

SAPNewsTL, Dili : Parlamentu Nasional (PN) aprova Orsamentu Jerál Estadu (OJE) tinan fiskál 2026 bá Ministériu Assuntu Kombatentes Libertasaun Nasionál (MAKLN) ho montante $199,906,227 ho votus a favór 44, abstensaun 18 no kontra zero, iha faze espesialidade.

Orsamentu ba Ministériu Assuntu Kombatentes Libertasaun Nasionál (MAKLN) ho montante $199,906,227 ne’e fahe bá kategoria Saláriu no Vensimentu $1,584,358, Bens no Servisu Korrentes $7,655,718, Transferénsia Públika $187,694,349 no Kapitál Dezenvolvimentu $2,971,802.

Tinan 2026, MAKLN projeta programa rua, sub programa 6 no atividade hamutuk 11.

Programe rua ne’e mak hanesan:
Programa 510: Funsionamentu no Dezenvolvimentu Institusionál
Programa 980: Inkluzaun Sosiál.

Debate espesialidade ne’e lidera hosi Prezidente Parlamentu Nasionál, Maria Fernanda Lay no partisipa hosi Primeiru-Ministru (PM), Kay Rala Xanana Gusmão, membru Governu sira inklui entidade relevante seluk.

Proposta Lei OJE 2026 Billiaun $2.214.689,195 ho kategoria Saláriu no Vensimentu $476.870.249, Bens no Servisu Korrente $447.904.446, Transferénsia Públika $820.710.160, Kapitál Menór $32.556.96 no Kapitál Dezenvolvimentu $436.647.379.