OJE 2026 Ba MDRHC Hamutuk $ 13,648,636 Pasa Iha Faze Espesialidade

Imajem : Debate OJE 2026 Iha PN, 19/11/2025. Foto : Media G-VPM

SAPNewsTL, Dili : Parlamentu Nasional halo ona aprovasaun Orsamentu Jeral Estadu (OJE), tinan fiskal 2026 ba Ministeriu Dezenvolvimentu Rural no Habitasaun Komunitaria iha faze espesialidade ho votus 42, abstesaun 23 no kontra 0.

Orsamentu ba Ministeriu Dezenvolvimentu Rural no Habitasaun Komunitaria ne’e hamutuk $ 13,648,636, husi total orsamentu ne’e aloka ba kategoria lima mak hanesan, Salariu no Vensimentu hamutuk $.4,581,935 Transferensias Publikas hamutuk $.5,000,000 Bens Servisu hamutuk $.1,691,935 Kapital Menor hamutuk rihun $.300, no Kapital Dezenvolvimentu hamutuk $.2,075, 058.

Husi orsamentu ne’e mai ho nia programa importante tolu (3), Sub-programa hamutuk ualu (8) no Atividade 40 ne’ebe sei finansia husi orsamentu ne’e.

Debate orsamentu iha faze espesialidade ne’e rasik lidera husi Prezidente Parlamentu Nasional, Fernanda Lay, no parte governu lidera husi Primeiru Ministru Kay Rala Xanana Gusmão no halo defeza ba orsamentu ministeriu nian mak Ministru MDRHC Mariano Assanami Sabino.