OJE 2026, PN Aprova Osan $22,450,883 Ba MAPPF

Imajem : MAPPF Marcos da Cruz iha PN, 19/11/2025. Foto : Média GPM

SAPNewsTL, Dili : Parlamentu Nasionál (PN) aprova $22,450,883 hosi Orsamentu Jerál Estadu (OJE) tinan fiskál 2026 bá Ministériu Agrikultura, Pekuária, Peska no Florestas (MAPPF) ho votus a favór 42, abstensaun 23 no kontra zero iha debate faze espesialidade.

Orsamentu ne’e fahe bá kategoria Saláriu no Vensimentu $7,161,859, Bens no Servisu Korrentes $10,548,842, Transferénsia Públika $30,600, Kapitál Dezenvolvimentu $588,289 no Kapitál Menór $4,121,293. MAPPF iha programa lima, sub programa 11 no atividade hamutuk 78.

Programa sira ne’e mak hanesan:
Programa 502: Transportes
Programa 510: Funsionamentu no Dezenvolvimentu Institusionál
Programa 558: Servisu Postais
Programa 980: Inkluzaun Sosiál
Programa A08: Teknolojia Informasaun no Komunikasaun
Programa A38: Meteorolojia no Jeofízika

Debate espesialidade ne’e lidera hosi Prezidente Parlamentu Nasionál, Maria Fernanda Lay no partisipa hosi Primeiru-Ministru (PM), Kay Rala Xanana Gusmão, membru Governu sira inklui entidade relevante seluk.

Durante debate, Ministru Agrikultura, Pekuária, Peska no Florestas, Marcos da Cruz mak halo aprezentasaun no esplika detallada kona-bá alokasaun orsamentu bá programa sira ne’ebé Ministériu ne’e trasa ona bá tinan 2026.

Proposta Lei OJE 2026 Billiaun $2.214.689,195 ho kategoria Saláriu no Vensimentu $476.870.249, Bens no Servisu Korrente $447.904.446, Transferénsia Públika $820.710.160, Kapitál Menór $32.556.96 no Kapitál Dezenvolvimentu $436.647.379.