OMS Apoia Aimoruk Item 121 Ba Ministériu Saúde

SAPNewsTL, Dili – Governu Timor-Leste hetan apoiu ai-moruk item 121 liu husi suporta parseiru Organizasaun Mundiál Saude iha Timor-Leste hodi haforsa programa servisu espesifiku Ministeiru Saude (MS) nian, iha teritoriu nasionál.

Ohin Ministériu Saude nia prezensa iha Instituto Nacional Farmacia Produto de Medicamento (INFPM Sigla portugues), hodi simu ai-moruk atus ida resin ne’ebe parseiru Organizasaun Mundiál Saude fo suporta mai Governu Timor Leste.

“Dala ida tan ha’u hakarak agradese ba parseiru Organizasaun Mundiál Saude ne’ebe iha komitmentu hodi kolabora hamutuk ho Ministeiru Saude, hodi suporta Governu Timor-Leste, oinsa atu hare bama trasmisaun moras sarampu ne’ebe ita nia mediku no pessoal saude sira kontrola hodi elimina ona moras ne’e iha ita nia rai”. Dehan Vice Ministru Saude (MS) ba asuntu operasional no Hospitalizasaum, Flavio Brandão ba Jornalista sira iha salaun, Instituto Nacional Farmacia Produto de Medicamentos (Sigla portugues INFPM), Quinta-feira (08/02/2024)

Vise Ministru informa, responsabilidade boot ida husi OMS mak kontinua fo suporta ba MS bainhira iha autrik balun mosu ligadu ho moras sarampu, entaun WHO apoiu ai-moruk ho ekipamentus mediku ne’ebe mak iha hanesan suporta rutina ba prosesu servisu ne’ebe mak iha ou moras espesifiku ne’ebe mak iha, nune’e mos halo serbisu sira ne’ebe planeadu iha ospitais rejionais.

“Ita nia Governu observa katak teknikamente Word Heald Organisations (WHO) mos sensivel ho ita nia planu programa sira ne’ebe mak Ministeiru Saude lansa iha teritoriu laran, ho suporta sira ne’ebe mak iha entaun ohin ai-moruk item 121 tama ona iha Instituto Nacional Farmacia Produto de Medicamentos (Sigla portugues INFPM)”.

Entertantu iha serimonia ne’e partisipa husi Vice Ministru Saude ba operasional no Hospitalizadaun Flavio Brandão, Reprezentante Dokter Arvind Matur, Dokter Mohamat Amin, Diretor INFPM ho estrutura Diretor Nasionál no Diretor servisu Nasionál Farmacia no Medicamento.