Passaporte Mate Prejudika Traballador 30 La Ba Austrália, CNRT Promete Sei Rezolve
SAPNewsTL, Dili: Koordenador Polítika Eksterna Partidu CNRT Robertu Soares hateten Partidu CNRT lamenta ho kanselamentu ba traballador nain tolunulu (30) ne’ebé atu aranka ba Australia tanba problema pasaporte, CNRT solidariza traballador sira ne’ebé la konsege viajen ba sevisu iha Australia, husu atu foti medidas no fo solusaun ho lalais.
Tuir Koordenador Polítika Eksterna Partidu CNRT Roberto Soares katak Partidu CNRT lamenta no triste wainhira haree traballador Timor oan atu ba Australia ne’e kansela tanba problema iha passaporte.
“Partidu CNRT akompaña ho triste no lamentasaun bo’ot ba kazu ne’ebe akontese iha semana liu ba, liga ho kanselamentu viajem husi trabalhador hamutuk nain tolunulu (30) ne’ebe atu aranka ba Australia, tambá problema Passeporte”. Dehan Koordenador Polítika Eksterna Partidu CNRT Roberto Soares iha konferensia imprensa ne’ebe hala’o iha sede CNRT, Segunda-Feira,08/05/2023.
Roberto hatutan tuir lolos governu tenke fo prioriedade ba asuntu ne’ebe preokupa ema hotu, durante tempu ne’ebe kleur tebes, maibe faktus kontinua hatudu katak vitima ba kazu ida ne’e aumenta kada loron no ba beibeik, nune’e Partidu CNRT hato’o soliedariedade ba traballador sira ne’e lakonsege ba servisu iha Australia no husu ba governo atu fo solusaun ho lalais atu sira seluk labele sai vitima tan ba problema sira ne’e.
“Hakarak hato’o soliedariedade ba traballador sira ne’ebe la konsege viajem atu ba servisu iha Australia, ezije atu autoriedade sira tenki foti medidas ho lalais hodi fo solusaun ba problema sira ne’e atu nune’e traballador hirak ne’e no sira seluk labele sai vitima tan”. Nia teni
Koordenador ne’e akresenta Partidu CNRT konsidera traballador hirak ne’e vitima, husi govenu ne’ebe laiha vizaun no rekoñesimentu ba esforsu husi traballador sira ne’ebe ba buka osan iha ema nia rai hodi sustenta sira nia familia tambá iha nia rain la iha konsidaun no servisu atu sira bele moris. nune’e CNRT promete sei tau prioridade ba problema ida ne’e
“Partidu CNRT promete katak asuntu ne’ebe liga ho solusaun ba problema passaporte sei sai nu’udar prioriedade absoluta iha ajenda prinsipal partidu nian wainhira kaer ukun iha XI governu ne’ebe mai”. Nia fundamenta
Jornalista: Ermelinda Soares