Konfrontu Hudi-Laran Sasan Barak Estragus, Info Ema Na’in Rua Mate Ne’e Hoax
SAPNewsTL, Dili: Relasiona Ho konfrontu iha area Hudi -Laran Rezulta Uma Komunidade hetan estragus, maibe Informasaun katak Ema Na’in Rua mate ne’e falsu, hoax no Bosok tanba realidade parte seguransa to’o iha fatin, laiha ema ida Mak Mate, Portantu husu Komunidade Sira labele hakfodak no Hatutan Hoax Sira ba Ema seluk liu husi Sosial Média
Relasiona ho konfrontus ohin (Dili, 10/05/2023) iha area GAN 45 akontese iha oras 19.00 otl, Autor sira tuda estragus komunidade nia kioske no salon, inklui halo rahun sasan sira mak hanesan vidru kioske no salon nian, odamatan no armariu. Entretantu tuir informasaun autor sira ne’e fila husi mate uma iha Ailok Laran hafoin asiste serimonia funeral.
Situasaun Aktual iha Area Hudi Laran GAN 45, Bairo Pite Dili – Relasiona ho foto no video nebe mak oras nee dau-daun espalha iha sosial Media katak sidadaun nain rua Mate ne’e lalos Ka falsu tanba realidade uma deit Mak hetan estragus
Akontesementu ne’e parte Policia Esquadra Dom Aleixo, RIR, BOP, ho SIP normaliza kedas situasaun nomos halo mos aprosimasaun ba parte vitima sira ne’ebe mak hetan sasan estragus sei kontinua ba keixa iha Esquadra nomos sede GAM Arte Marsial Ida nian, tanba vítima hatene autor Sira, atu nune’e autor sira bele responsabiliza ba aktu ne’ebe mak sira komete.
Portantu, fo Hanoin fali katak Informasaun Ne’ebe espalla.katak Ema nain rua Hakotu vida ne’e Bosok, falsu, hoax tanba ne’e husu Públiku labele kontinua hatutan Informasaun ne’ebé La’os faktual ba Komunidade
Jornalista: Marcela Mery da Costa