Dialogu Iha Turiscai, PD Promete Hadia Estrada no Bee Moos Ba komunidade
SAPNewsTL, Manufahi : Partidu Demokrátiku (PD) tersa-feira ne’e hala’o dialogu iha Postu Administrativu Turiscai, Munispiu Manufahi, Iha Diskursu Presidente PD Mariano Assanami Sabino Lopes haktuir, wainhira tama ba governasaun maka sei hadia infraestrutura iha Turiscai liliu estrada no bee moos ba komunidade sira
“Wainhira PD tama ba governasaun, PD sei hadia estrada mai Postu Turiscai, hadia bee moos ba komunidade, desenvolve setor agrikultura ho diak hodi hasa’e produsaun liu husi povu kuda guvernu sosa ne’ebe setor kooperativa hodi fasilita povu hetan osan hadia nia moris”. Tenik Presidente PD Mariano Assanami Sabino Lopes liu husi diskursu, iha Turiscai, 10/05/2023
Iha parte seluk, Assanami hatutan PD mos hakarak hadia edukasaun, saude, ekonomia no desenvolve turismu ba futuru
”Ita sei desenvolve turizmu tanba Turiscai iha fatin furak barak, paisagem natural sira no fatin istóriku ba Timor Leste, Ita hakarak reforsa aliserse ekonomia, koesaun sosial ne’ebe metin liu, hadia edukasaun, saude no sivilizasaun ne’ebe tenki diak liu”. Dehan Assanami
Assanami afirma, PD hamriik hodi salva estadu, hadia airiin haat estadu Timor Leste nian, hanesan Parlamentu Nasionál, Guvernu, Tribunal no Presidensia da Repúblika tuir nia dalan lolos
PD mos hakarak desenvolve setor Públiku, Privadu no kooperativa hodi fasilita povu fasil hetan osan hodi hadia nia moris, liu husi reativa programa povu kuda guvernu sosa, wainhira PD tama fali ba governasaun
Entretantu, Loron aban Partidu Demokrátiku sei hala’o nia kampanha iha Munisipiu Atauro, 11 Maiu 2023
Jornalista : Ferderita Miranda