PD Halo Konferénsia Ba Dala IV, Kalohan : PD Ho CNRT Parseria Permatura
Dili, 10/07/2022 : Partidu Demokrátiku (PD) Hala’o Konferénsia Nasionál Partidu Demokrátiku ba dala (IV) ho tema Hamutuk Iha Mehi, Hamutuk Hodi Servi, Sekretáriu Jeral PD António Kalohan hateten Partidu Demokrátiku halo Konferénsia Nasionál no Selebra XXI Eziténsia PD hodi hanoin hamutuk Projeta PD ba Eleisaun Parlamentar 2023
Tuir Sekretariu Jeral Partidu Demokrátiku PD António da Conceição KALOHAN hateten eventu nasionál primeru hala’o iha Fevereiru bainhira hola desizaun kandidata Prezidente Partidu Demokrátiku hodi partisipa nu’udar kontestante iha Eleisaun Prezidensial 2022-2027
“Ohin Konferénsia Nasionál ne’ebe ita halo hodi reflekta ba lala’ok Partidu Demokrátiku hodi kumpri misaun ne’ebe hatur iha Estatutu Patidu Demokrátiku nian, hodi hametin ukun rasik a’an ne’ebe sosa ho sakrifisiu no mate ema hotu nian hodi hari’i Nasaun Repúblika Demokrátika de Timor-Leste (RDTL), ohin atu ita hotu hanoin hamutuk iha mehi partidu nian atu projeta fali ita nia hanoin ba eleisaun 2023”. Dehan Sekretariu Jeral PD António da Conceição iha Salaun Delta Nova Dili,Domingu,(10/07/2022)
Sekretariu Jeral mos hatutan, Partidu CNRT ho PD parseiru Permatura tanba partidu rua ne’e haforsa malu tiha ona hodi salva Nasaun hamutuk ho Prezidente Repúblika iha tempu ne’eba Dr. José Ramos Horta iha tinan 2007
“Parseria ne’ebe ho PD, Parseria permatura no parseria Natureza tanba prinsipiu ho ideoloziku ne’ebe hanesan, Ha’u nu’udar Sekretariu Jeral agradese ba Maun Francisco Kalbuadi Lay hanesan Lider Partidu iha CNRT, maibe hanesan maun alin ita hamutuk iha mehi atu servi”. Hatete nia
Aleinde ne’e, iha Konferénsia Nasional Partidu Demokrátiku ne’e hetan partisipa husi Prezidente Repúblika Dr. José Ramos Horta, Prezidente CNE Josè Agustinho da Costa Belo, no Sekretariu Jeral Partidu CNRT Francisco Kalbuady Lay ho nia estrutura sira, inklui Militantes, Kuadrus no Estrutura Partidu Demokrátiku husi 12 Munisipiu inklui RAEOA.
Jornalista : Justino De Jesus Soriano & Jhon Marito
Editor : SAPNewsTL