PDC Afirma Kbiit La’ek Asesu Eletrisidade Gratuita, Hadia Estrada No Bee-Moos Iha RAEOA
Imajem : Vise Presidente PDC Domingos da Costa, Iha Postu Administrativu Pante Makasar, RAEOA, 01/05/2023
SAPNewsTL,RAEOA : Partidu Democrata Cristão (PDC) realiza Mini kampanha iha Suku Naimeco Postu Pante Makasar, Rejiaun Administrativa Espesial Oecusse Ambenu (RAEOA), Vise Presidente PDC Domingos da Costa promete sei fo asesu gratuita ba povu kbiit laek sira ba eletrisidade gratuita
“PDC fortifika Lei aprovizionamentu no Ajensia Desenvolvimentu Nasional (ADN) hodi kontrola nia kualidade Projetu sira iha rai laran no fo mos sansaun ba ema sira ne’ebe mak kontra lei aprovizionamentu, Dezenvolvimentu Infraestrutura tenki hahu husi Aldeia. Suku to’o Munisipiu sira liliu estrada, ponte, Bee moos no saneamentu ne’ebe garantia kualidade diak”. Dehan Prezidente PDC Francisco de Araujo ba jornalista sira iha Postu Administrativu Pante Makasar, RAEOA, 01/05/2023.
Presidente PDC Francisco de Araujo
Francisco de Araujo haktuir PDC sei hadia Estrada ne’ebe mak aat halo komunidade sira lori sira nia produto mai fa’an iha merkadu la diak no produtu sira sai aat tanba estrada ne’ebe mak la diak
“Vitoria ba PDC, PDC sei hadia Estrada ne’ebe mak aat halo komunidade sira lori sira nia produto mai fa’an iha merkadu la diak no produtu sira sai aat tanba estrada ne’ebe mak la diak, ita tenki hasa’e produsaun no desenvolve didiak setor agrikultura hodi hadia povu nia moris husi kiak no mukit”. nia hatete
Iha fatin hanesan, Vise Presidente PDC Domingos da Costa hatutan, Sistema Eletrisidade PDC Promete se povu RAEOA fo fiar maka PDC sei moderniza buat hotu liliu fo eletrisidade gratuita ba kbiit laek sira
” Se PDC hetan fiar husi Povu RAEOA, PDC sei moderniza setor hotu liliu eletrisidade tenki ba ema hotu ho lailais no kualidade, Ita Tenke halo buat ne’ebe di’ak labele bosok povu, PDC nia programa ida mak ema sira ne’ebe kbiit laek nia la hetan rendimentu ruma tenke fo eletrisidade gratuita, Tanba ita nia Governu agora fahe osan $200 dolar ba ema hot-hotu ema ne’ebe mak forma familia, joven sira sai vìtima nafatin entaun ida ne’e mak PDC rekomenda ba povu Oecusse para fo votus konfiansa ba PDC para halo buat ruma”. nia promete
Jornalista : Lidia Amaral