Piedade : Kail Ikan & Tuna ! Lafaek Tata Sertorio Resulta Ain Kotu & Lakon Vida

Imajem : Komunidade hetan Sertório Moreira ne’ebe hetan tata hosi Lafaek iha Baucau, 06/01/2026.

SAPNewsTL, Baucau : Avó Lafaek tata sidadaun Sertório Moreira ne’ebe buka Moris iha area irrigasaun nota kasameta Suku Samalari, Postu Baucau Munisipio Baucau.

Sasin Gabriel Piedade informa ba Sapnews Pro liu hosi via WhatsApp haktuir akontesimentu avo lafaek tata mate sidadaun Sertório Moreira ne’e iha area irrigasaun Kasameta, wainhira sidadaun ne’e ba kail ikan, boek no tuna.

“Lafaek tata mate Sertório Moreira iha area irrigasaun kasameta nia ulun, Suku Samalari Postu Baucau, Munisipio Baucau”. Informa Sasin Gabriel Piedade informa ba Sapnews Pro liu hosi via WhatsApp, Baucau, 06/01/2026

Tuir kronolojia katak vítima sai hosi uma ba kail ikan, buka boek no tuna mak de repente lafaek tata nia no hakotu ninia vida iha fatin akontesimentu.

“Nia sai husi uma tuku hira seidauk komfirma los ho familia, maibe iha tuku 19:30 kalan, komunidade sira rona katak matebian hetan tata husi Avo Lafaek”.

“Nune’e familia no komunidade sira ba kedas fatin akontesimentu, realmente Sertório hetan tata husi avo lafaek iha parte ain karuk, tata kotu ho ain-fuan kiik kotu no la konsege salva nia vida”.

Piedade hatutan, Sertorio Moreira orijem husi Aldeia Sorulai, Suku Samalari
Postu Baucau Villa, Munisipio Baucau. Matebian moris nu’udar ema agrikultor ne’ebe vsimples no badinas, la sente kolen, la’o loron no kalan, sempre buka moris liu hosi atividade buka boek, ikan no tuda iha mota no tasi.

Distinu ema hotu la espera, infelizmente Sertório Moreira hetan tata hosi lafaek no hakotu nia jornada moris iha loron 06 fulan Janeiru tinan 2026. Adeus no deskansa Ho damen.

Hafoin akontesimentun, parte Polícia Nacional Timor-Leste (PNTL) munisipiu Baukau to’o iha lokal akontesimentu hodi halo identifikasaun no foti informasaun.