Plan Internasionál Sorumutu Ho PR Horta, Labarik Feto Sei Sai Prezidente Repúblika
SAPNewstl, Dili : Plan international hasoru ho Presidente da Repúblika José Manuel Ramos Horta, iha Intervista Direktora Daliana Ximenes hateten sorumutu ne’e ko’alia asuntu rua, apresiasaun Presidente Repúblika nian kona-ba servisu ne’ebe Plan Internasional halo no Selebrasaun Loron internasionál ba labarik feto ne’ebe feto sei sai Prezidente Repúblika hodi selebra loron mundial refere
“Apresia ba Sua Ekselénsia ne’ebe hakarak atu labarik feto ida hola pozisaun nu’udar Prezidente hodi komemora loron mundial ba labarik feto, ne’ebe sei monu iha dia 11 de outubru, ami nia oan feto sira mai hola pozisaun ida ne’e, Tinan rua liu ba husi Munisipiu Ainaru, tinan ida ne’e ami sei haree husi Aileu”. Dehan Country Direktora Plan Internasional Timor Leste Daliana Ximenes ba Jornalista iha Palasio Prezidente aitarak-laran, Kuarta- feira (17-08-2022)
Diretora ne’e akresenta Plan Internasional servisu hamutuk ho parseiru barak ne’ebe iha guvernu, duador sira, organizasaun sosiedade sivil, tantu lokal mos internasional
“Servisu hamutuk para asegura katak ita nia oan feto mane sira hodi bele goza sira nia direitu ho diak, ami plan internasional ami nia meta ne’ebe mak atu avansadu direitu labarik no igualdade ba labarik feto, entaun ba mai nia programa hotu-hotu liliu labarik feto hodi versidade sai alvu ba ami nia atividade hotu”. Nia Dehan
Entretantu, Plan Internasional nia atividade sira mak hanesan fo protesaun ba labarik atu fo konhesimentu ba inan aman sira no komunidade kona-ba oinsa bele fo protesaun nebe mak diak ba labarik sira
“Bazeia ba sira nia idade, labarik sira iha direitu ba partisipasaun, entaun sira bele partisipa iha atividade saida deit ne’ebe mak iha sira nia moris, haree liu ba labarik hamriik iha luron faan sasan, Plan iha parseiru sira ne’ebe mak ha’u la temi iha ne’e nafatin liu husi ami nia atividade balun fo hanoin ba inan aman sira para atu foku ba labarik sira tenke eskola nomos sira tenke hetan hahan ne’ebe sufisiente”. Nia tenik
Enkuantu, Presidente da Repúblika simu ho pozitivu no prontu para labarik feto bele hola pozisaun iha momento ruma no hala’o nia knaar nu’udar Presidente da Repúblika, halo selebrasaun ba loron internasional labarik feto iha outubru mai
Jornalista : Aquilina Taec
Editor : Ekipa Editorial