PM Xanana Husu MOP & MSSI Halo Intervensaun Ba Risku Dezastre Natural

SAPNewsTL, Dili : Relasiona ho udan boot ne’ebe akontese Durante semana ida Ne’ebe Rezulta Uma barak hetan estragus, Estrada no ponte sira hetan estragus tanba sobu husi korrente Mota iha Munisipiu Lautém, Manufahi, Ainaro, Covalima no Vikeke

Orseik Primeiru Ministru Kay Rala Xanana Gusmão fó ona orientasaun ba Ministériu Obras Publika (MOP), Instituto de Gestão de Equipamentos e Apoiu ao Desenvolvimento Infrastruturas, Instuto Público (IGEADI, I.P) no Ministériu Solidaridade Sosiál no Inkluzaun (MSSI) halo intervensaun direita ba estrada no ponte hirak ne’ebé kotu, inklui buka dalan salva populasaun hosi risku dezastre naturál ne’ebé akontese, hafoin mosu udan bo’ot iha semana ida nia laran.

Xefe Governu husu atu ekipa MOP-IGEADI atu mobiliza ekipamentu pezadu tun direita ba área hirak ne’ebé sai risku hodi, suru sai rai hirak ne’ebé monu taka estrada.

Ba asuntu ida ne’e rasik, Ministru Obras Publika, Samuel Marçal relata katak, udan no anin makas akontese iha teritóriu Timor-Leste afeita makas ba estrada no ponte kiik balun kotu.

Ekipa MOP-IGEADI desloka ona ba terenu, hodi halo levantamentu ba estragus hanesan, estrada Eralessu Suku Molo Postu Hatubuilico Ainaro nian ponte kiik no estrada baluk kotu totál no iha Suku Aituto Maubissi rai monu taka dalan.

“Dadaun ne’e senhor Primeiru Ministru Xanana prepara ona programa governu nian, tanba ne’e mak fó ona orientasaun ba MOP-IGEADI no Ministériu Obras Publiku iha munisípiu sira atua hela situasaun, maibé seidauk bele halo asaun ruma, tanba hein udan been para tiha maka foin bele halo asaun, maibé ekipa prepara ona iha terenu hodi halo intervensaun para salva uluk vitima sira ne’ebé uma hetan estragus,” informa Ministru Samuel Marçal ba jornalista iha Palasiu Governu Dili, hafoin remata reniaun Konsellu Ministru.

Nia hatutan, udan ho intesidade moderadu sei kontinua akontese, ne’e Xefe Governu orienta salva uluk populasaun nia vida umana.

“Tuir orientasaun senhor primeiru ministru nian ekipa ba uluk iha terenu buka salva uluk vida populsaun nian hosi risku ne’ebé lori dezastre no estragus oin-oin,” tenik nia.

Ekipa MOP-IGEADI identifika iha Ponta Leste, Lautem Ponte Api-Kuru ameasa kotu, tanba mota boot sobu moru protesaun kuaze hetan estragus.

Ekipa rekolla ona dadus iha estrada diresaun Lehulolo Aitutu Same ligasaun Ainaro mós ponte ki’ik ida kotu no estrada Holarua parte Tangue da Guterra ameasa kotu no dadaun ne’e governu lokál koordena ho Komandu PNTL no Bombeiru hodi halo intervensaun.

Iha Munisipiu Viqueuqe mós udan halo rai monu taka estrada públiku no ameasa estraga uma nian ne’ebé harii besik mota ninin.

Dezastre naturál ne’e afeita mós ba uma komunidade nian lubuk ida hetan estragus no ekipa governu liu hosi MSSI dadaun rekolla hela dadus iha terenu hodi prepara ona kondisaun atu apoia vítima sira.

Dezastre natural ne’e mos rezulta estresidade monu iha Suku Casa, Postu Ainaro Vila hodi halo liña eletrisidade iha Postu Administrativu Maubissi, Hatubilico, Turiskai mate totál

Entretantu, Iha Munisipiu Lautém Mota Lori Estudante Na’in 4 Mane Na’in 3, Feto Nain ida Ne’ebe Rezulta mane ida lakon to’o agora seidauk hetan, Enkuantu estudante Nain tolu konsege salva an husi mota Nia Korrente

Jornalista: Lídia Amaral