MJ Sei Tau Osamentu Retifikativu Rezolve BI & Passaporte

SAPNewsTL, DILI : Iha Enkontru dahuluk entre Membru Governu Konstitusional da-9 iha Palasiu Governu, hafoin enkontru Ministru Justisa Amandio de Sa Benevides hateten katak tempu badak sei resolve kaderneta passaporte no blanku ba bilete identidade

“Sua exelensia Primeiru Ministru(PM), fo infaze atu tau prioridade hodi bele rezolve kestaun kaderneta passaporte tanba ne’e, iha ministeiru prontu ona ho equipa tomak ne’ebe mak servisu hodi bele atende kestaun kaderneta” Dehan Ministru Justisa, Amandio de Sa Benevides ba Jornalista sira, iha Palisiu Governu,Tersa-feira(04/07/2023)

Salienta nia katak sira sei kontinua nafatin planu no servisu governu da-8 nian ne’ebe mak iha ona

“Ho esforsu hotu-hotu ne’ebe mak halo nanis ona iha tinan kotuk to’o agora sei kontinua, atu iha tempu badak bele halo ona aprova final ba nia modelu iha passaporte nia laran”nia sublina

Nia informa iha tinan kotuk kaderneta passaporte no blanku bilete identidade menus tanba volume ema sira ne’ebe mak trata dokumentu barak liu

“Tinan liu ba parese falha, ita hare ba tempu kontratu. Kontratu ne’e lolos ba longu prazu, tinan tolu maibe kontratu ne’e mate iha tinan hirak liu ba. Depois de Covid ema la sai no la tau importansia, quandu Covid hotu ema hotu hakarak sai tempu ne’eba kaderneta ne’ebe mamuk ne’e barak maibe tanba ema hakarak hotu iha passaporte entaun previsaun ne’ebe mak iha ministeiru prepara hela atu bele atende fulan-fulan 15 mil to’o 25 mil ne’e liu fali ida ne’e. Previsaun iha jullu ne’e hotu iha 2022 infelizmente tempu ne’eba la iha orsamentu ne’ebe tau atu bele produz”Dehan nia

Nia haktuir katak governu da-9 sei tau osan hodi bele resolve kaderneta passaporte.”Agora governu tau orsamentu jeral ratifikativu. Mas ne’e sei deskuti iha konselhu ministru para iha solusaun diak hodi responde lalais ba ema sira ne’ebe presija passaporte”

Entertantu, programa prinsipal ba Ministériu Justisa nia ne’ebe mak simu tomada de posse iha dia 1 de julhu iha Palasiu Presidensial Ai-tarak laran ne’e Promete sei rezolve kaderneta passaporte no equipamenru eletrónika atu produz ba bilete identidade durante 120 dias iha periode ne’e

Jornalista : Marcela Mery da Costa