PM Xanana Satisfeitu Ho Negosiasaun Fronteira Tasi Entre TL-RI
Imagen : Primeiru-Ministru Kay Rala Xanana Gusmão iha Jogjakarta, 10/12/2025. Foto : Média PM.
SAP News TL, JOGJAKARTA : Relativamente ho prosesu negosiasaun segunda ronda entre Timor-Leste no Indonesia kona-bá Fronteira Maritima lori satisfasaun bá ekipa negosiadór hosi Timor-Leste (TL) ho Repúblika Indonézia (RI).
Primeiru-Ministru (PM), Kay Rala Xanana Gusmão observa katak durante prosesu negosiasaun iha ronda da-ruak ne’e ekipa hosi parte rua hatudu vontade bo’ot ne’ebé hakarak tebtebes atu rezolve duni fronteira marítima rai rua nian.
“𝐇𝐚’𝐮 𝐥𝐚𝐛𝐞𝐥𝐞 𝐤𝐨’𝐚𝐥𝐢𝐚 𝐛𝐮𝐚𝐭 𝐛𝐚𝐫𝐛𝐚𝐫𝐚𝐤 𝐭𝐚𝐧𝐛𝐚 𝐟𝐨𝐫𝐦𝐚𝐥𝐦𝐞𝐧𝐭𝐞 𝐢𝐭𝐚 𝐟𝐨𝐢𝐧 𝐡𝐚𝐡𝐮́ 𝐚𝐠𝐨𝐫𝐚 𝐢𝐡𝐚 𝐉𝐨𝐠𝐣𝐚𝐤𝐚𝐫𝐭𝐚. 𝐍𝐞’𝐞 𝐝𝐮𝐧𝐢, 𝐡𝐚’𝐮 𝐞𝐬𝐩𝐞𝐫𝐚 𝐤𝐚𝐭𝐚𝐤 𝐧𝐞𝐠𝐨𝐬𝐢𝐚𝐬𝐚𝐮𝐧 𝐭𝐮𝐢𝐫 𝐦𝐚𝐢 𝐢𝐡𝐚 𝐟𝐮𝐥𝐚𝐧-𝐀𝐛𝐫𝐢́𝐥, 𝐭𝐢𝐧𝐚𝐧 𝐨𝐢𝐧 𝐬𝐞𝐢 𝐛𝐞𝐥𝐞 𝐝𝐞𝐡𝐚𝐧 𝐛𝐮𝐚𝐭 𝐫𝐮𝐦𝐚. 𝐇𝐚’𝐮 𝐥𝐚𝐛𝐞𝐥𝐞 𝐝𝐞𝐡𝐚𝐧 𝐡𝐚’𝐮 𝐤𝐨𝐧𝐭𝐞𝐧𝐭𝐢 𝐭𝐞𝐛𝐞𝐬 𝐦𝐚𝐢𝐛𝐞́ 𝐬𝐚𝐭𝐢𝐬𝐟𝐞𝐢𝐭𝐮 𝐭𝐚𝐧𝐛𝐚 𝐢𝐭𝐚 𝐡𝐚𝐫𝐞𝐞 𝐤𝐚𝐭𝐚𝐤 𝐢𝐭𝐚 𝐛𝐞𝐥𝐞 𝐤𝐨’𝐚𝐥𝐢𝐚 𝐛𝐚́ 𝐦𝐚𝐥𝐮, 𝐛𝐞𝐥𝐞 𝐬𝐢𝐦𝐮 𝐢𝐝𝐞𝐢𝐚𝐬 𝐛𝐚́ 𝐦𝐚𝐥𝐮. 𝐈𝐝𝐚-𝐧𝐞’𝐞 𝐦𝐚𝐤 𝐩𝐫𝐢𝐧𝐬𝐢́𝐩𝐢𝐮 𝐝𝐢’𝐚𝐤 𝐢𝐝𝐚 𝐢𝐡𝐚 𝐧𝐞𝐠𝐨𝐬𝐢𝐚𝐬𝐚𝐮𝐧 𝐧𝐞’𝐞𝐛𝐞́ 𝐝𝐢𝐟𝐢́𝐬𝐢𝐥 𝐤𝐨𝐧𝐚-𝐛𝐚́ 𝐟𝐫𝐨𝐧𝐭𝐞𝐢𝐫𝐚 𝐦𝐚𝐫𝐢́𝐭𝐢𝐦𝐚,” Hateten PM Xanana Gusmão iha Jogjakarta, 10/12/2025. Sita média PM.
Xefe Governu Timor-Leste ne’e hatutan negosiasaun formál primeira ronda hala’o ona iha fulan-Agusto 2025, iha Dili no segunda ronda hala’o iha Jogjakarta. Ekipa konkorda ona atu kontinua negosiasaun formál tuir-mai iha fulan-Abríl 2026.
“𝐃𝐮𝐫𝐚𝐧𝐭𝐞 𝐥𝐨𝐫𝐨𝐧-𝐫𝐮𝐚 𝐡𝐨 𝐛𝐚𝐥𝐮𝐧 𝐧𝐞’𝐞 𝐝𝐢𝐬𝐤𝐮𝐬𝐚𝐮𝐧 𝐥𝐚’𝐨 𝐝𝐢’𝐚𝐤, 𝐡𝐨 𝐚𝐛𝐞𝐫𝐭𝐮𝐫𝐚 𝐡𝐨𝐬𝐢 𝐩𝐚𝐫𝐭𝐞 𝐈𝐧𝐝𝐨𝐧𝐞́𝐳𝐢𝐚 𝐥𝐢𝐝𝐞𝐫𝐚 𝐡𝐨𝐬𝐢 𝐄𝐦𝐛𝐚𝐢𝐱𝐚𝐝𝐨́𝐫 𝐀𝐦𝐫𝐢𝐡. 𝐈𝐭𝐚 𝐬𝐞𝐧𝐭𝐢 𝐤𝐚𝐭𝐚𝐤 𝐢𝐡𝐚 𝐚𝐛𝐞𝐫𝐭𝐮𝐫𝐚, 𝐢𝐡𝐚 𝐤𝐨𝐨𝐩𝐞𝐫𝐚𝐬𝐚𝐮𝐧, 𝐢𝐡𝐚 𝐝𝐮𝐧𝐢 𝐯𝐨𝐧𝐭𝐚𝐝𝐞 𝐡𝐨𝐬𝐢 𝐆𝐨𝐯𝐞𝐫𝐧𝐮 𝐈𝐧𝐝𝐨𝐧𝐞́𝐳𝐢𝐚 𝐚𝐭𝐮 𝐫𝐞𝐳𝐨𝐥𝐯𝐞 𝐢𝐭𝐚-𝐧𝐢𝐚 𝐟𝐫𝐨𝐧𝐭𝐞𝐢𝐫𝐚 𝐦𝐚𝐫𝐢𝐭𝐢𝐦𝐚,” PM Xanana subliña.
Negosiasaun formál segunda ronda kona-bá Fronteira Marítima iha Jogjakarta hala’o durante loron-tolu (08-10 Setembru 2025) taka ho asina akta hosi Xefe delegasaun nasaun rua nian, Timor-Leste asina hosi atuál Diretora Ezekutiva Gabinete Fronteira Terestre no Marítima (FTM), Elizabeth Exposto. Indonézia asina hosi Diretór Jerál Asuntu Jurídiku no Tratadu Internasionál sira, Ministériu Negósiu Estranjeiru, Embaixadór L. Amrih Jinangkung, iha The Phoenix Hotel, Jogjakarta, Indonézia, kuarta (10/12/2025).
Rohan hosi serimónia asinatura akta ne’e ekipa hosi Timor-Leste entrega tais, kafé Timor ho livru bá xefe delegegasaun Indonézia nian no foto hamutuk.