PN-AMN Deskute Oras Tolu, Verdial : Sidadaun Hotu Tenki Kumpri Lei

Imajen Intervista Deputadu Antonio Verdial iha Uma Fukun Parlamentu Nasional, 23/11/2022. Foto : Ermelinda Soares

SAPNewsTL, Dili -Reprezentante Povu uma fukun Parlamentu Nasicional Deputadu Antonio Verdial da Sousa, kuarta-feira ne’e hasoru malu ho representante  Aliansa Maubere Nacional (AMN) halo dialogu kona-ba manifestasaun ne’ebe AMN manifesta durante ne’e. Tuir Representante AMN Miguel Monsil haktuir asuntu haat ne’ebe sira kestiona, konsidera susar atu muda, tanba kuaze partidu hotu-hotu dehan wanhira partidu la manan

Representante AMN Miguel Monsil hateten kazu haat ne’ebe kestiona mak Lei Numeru 1/2006, 8 de Fevereiru, kona-ba liberdade ba Reiniaun no Manifestasaun liliu artigu 5 kona-ba restrisaun (Bandu atu realiza reuniaun no manifestasaun iha fatin publiku menuz husi memtru 100, husi fatin ne’ebe lokaliza sede orgaun soberania, redidensia ofisial titular orgaun soberania nian, instalasaun militar no militarizada estabelesimentu prizional, inklui iha portu, aeroportu, instalasaun eletrika no fatin armazenamentu bee nian liliu kombustivel )

“La konkorda ho dekreitu lei numeru 1/2006, liliu iha artigu 5 kona-ba liberdade ba Reiniaun no Manifestasaun entre manifestante ho parlamentu, sidadaun hotu-hotu tenki kumpri lei exerce funsaun iha estadu dekreitu de estadu ne’ebe laiha konkordansia entre parlamentu ho saida mak exixi mai husi representante manifestante sira kona ba lei ida ne’ebe determina metru atus ida ne’e mai husi instituisaun publiku ne’ebe laiha konkordansia”. Dehan Deputadu Antonio Verdial ba Jornalista sira hafoin halo dialogu ho representante AMN iha Uma Fukun PN, 23/11/2022

Deputadu ne’e hatutan, representante manifestante sira husu atu parlamentu nasional bele tau matan ba lei pensaun vitalisia, lei pensaun vitalisia ne’e laos tur-tur Deputadu ida mak halo, lae, lei mai kedas husi primeira legislatura, husu atu representante manifestante favor ida tatoli hela mensagen ba maluk sira ne’ebe hakarak partisipa iha manifestasaun tenki komprende katak RDTL iha nia orgaun soberania keta-ketak.

“Orgaun soberania parlamentu nasional hanesan orgaun soberania daruak ne’ebe hahoris Governu, nune’e representa parlamentu nasional husu atu ita hotu lee lei hirak ne’e hahu husi konstituisaun RDTL no mos ba lei hirak ne’ebe mak sai baze fundamental ba identidade governamentais, halo operasaun serbisu iha parte operasional no administrativu nian liga mos ba area judisiaria nian”, Dehan Verdial

Parlamentu Nacionala la konkorda wainhira atu revoga lei ne’e tanba moris nasaun ida estadu direitu demokratiku maibe nafatin tenki kumpri lei ne’ebe agora dadaun ne’ebe agora vigora iha nasaun RDTL,  Parlamento Nasional firmi atu defende lei ne’e viroga nafatin, atu partisipa iha dezenvolvimentu tenki partisipa ho humanidade, honestidade, seriadede maibe tenki banati tuir konstituisaun RDTL

Imajen Intervista Porta Voz AMN Miguel Monsil hafoin hasoru malu ho Presidente Parlamentu Nasional

Entretantu, Tuir Representante AMN Miguel Monsil hateten AMN kaer asuntu haat importante

“Aliansa Maubere Nasional (AMN) mai hasoru Prezidente Parlamentu Nasional no Membru Parlamentu sira ami lori asuntumak haat (4) : Hapara tradisaun sosa laptop no kareta luxu periódikamnete, OJE kada Tinan tenke aloka makas ba setór saúde, agrikultura no edukasaun,  Halakon lei Pensaun Mensál Vitalísia no Halakon artigu 5 hosi lei Liberdade Reuniaun no Manifestasaun”.Tenik Monsil iha Intervista

Tuir  Nia, lei Pensaun Mensál Vitalísia tuir sira konsidera kuaze bankada hot-hotu mas sira dehan susar atu muda wanhira partidu la manan maioria, Monsil konsidera meius ida ne’e hanesan kari rai-rahun ba povu nia matan

“Lolos partidu hot-hotu aseita iha parlamentu, iha hanoin atu muda mak buat ne’e fasil tebes, hakarak hot-hotu uza ida ne’e sai material kampania para tinan oin sira kontinua ba bosok Ita akompanha sira konsiderasaun ne’e to’o ne’ebe?, Sira fo rajaun katak lolos fo sala ba Governu kuando alokasaun Orsamentu geral do estadu (OJE) 2023 la makas ba sèktor estratéjiku,  hanoin sira haluhan an programa Orsamental ne’e Governu mak deside maibe liu ga liu ne’e iha uma fukun Parlamentu Nasional signifika katak liu huis fiskalizasaun ne’ebe mak Parlamentu Nasional halo mak foin bele deside ida ne’ebe mak preriodade ba povu, hanesan fali PN no Governu fo sala ba malu mas rua ne’e hot-hotu iha desisaun iha OJE ida”. nia sublinha

AMN konsidera Parlamentu Nasional la aseita pozisaun ne’ebe sira foti hodi hapara sosa kareta no laptop foun, Lei pensaun mensal vitalisia, lei manifestasaun menuz husi metru 100

“Sira la aseita ita nia pozisaun hapara sosa kareta ho laptop ba Deputadu 65, sira nafatin argumentu lelaun ida ne’e mak fiskalizasaun ita konkorda kareta kuando sira ba uza iha kareta profisional, Mas ita lakonkorda kareta ida membru PN uza hanesan privadu,  wanhira mai iha PN laos atu servi povu maibe mai para atu assesu ita nia rikusoin sira mai para atu assesu previleiju ne’ebe mak sira nia poder iha, Deputadu 65 iha balun ne’eba mak inkapasidade sira labele reprezenta povu sira, mai laos servi povu, mai atu assesu previleiju ne’ebe mak iha, sira mak assesu salariu ne’ebe bo’ot no sa’e kareta luxu”. haktuir nia

Enkuantu, AMN mos fo parabéns kualidade ba PPN Timor-Leste tanba sira lakonkorda proposta alterasaun Lei N°1/2006 em partikular artigu 5 koalia konaba restrisoes ba 100 metru

Kona-Ba Manifestasaun, Lider AMN ne’e hateten, Se PN lakoi atu ema halo demostrasaun, entaun tenke hala’o tuir saida mak nia funsaun hala’o bazeia ba bem estar komum povu nian, tenke rona povu nia problema tenke resolve

Jounalista : Ermelinda Soares

Editor         :  Ekipa Editorial