PN Aprova Osan Ba MF Hamutuk Millaun $𝟏𝟗,𝟖𝟖𝟕,𝟓𝟖𝟖 Ho Votu Afavor 42

Imajem : Governu apresenta OJE 2026 iha uma fukun Parlamentu Nasional, 17/11/2025. Foto : Média GPM

SAPNewsTL, Dili : Parlamentu Nasionál (PN) aprova Orsamentu Jerál Estadu (OJE) tinan fiskál 2026 bá Ministériu Finansas (MF) hamutuk millaun $19,887,588.

Orsamentu ne’e fahe bá Kategoria Saláriu no Vensimentu $9,658.169, Bens no Servisu Koerrentes $9, 060, 419, Transferênsias Públikas $760,000 no Kapitál Menór $409,000.

Tinan fiskál 2026, Ministériu Finansas iha Programa rua, Sub Programa sia no Atividade hamutuk 72.

Programa rua ne’e mak hanesan, Programa 023: Jestaun Finansas Públikas ho Programa 510: Funsionamentu no Dezenvolvimentu Institusionál.

Aprovasaun iha espesialidade ne’e ho votus a favór 42, Kontra 0 no abstensaun 23 iha plenária ne’ebé prezide hosi Prezidente Parlamentu Nasionál, Maria Fernanda Lay, partisipa hosi Primeiru-Ministru (PM), Kay Rala Xanana Gusmão, membru Governu sira inklui entidade relevantes.