Polémika ICC-TL ! Bispu Afonso Deklara Ses An Hosi Administrasaun Maibé Nafatin Katóliku
Imajem : Bispu Diocese Dili Dom Afonso Mauresi Topoldana hamutuk ho lideransa ICC-TL iha Motael, 02/04/2025
SAPNewsTL, Díli : Polémika estabelesimentu ezisténsia Igreja Katolika Karismátika Timor-Leste (ICC-TL ) Arse Bispu Diocese Dili Dom Afonso Mauresi “Topoldana” deklara ICC-TL nu’udar rai na’in original no ses an hosi administrasaun igreja katólika Roma maibé nafatin sarani katóliku.
Tuir deklarasaun Arse Bispu Diocese Dili Dom Afonso Mauresi Topoldana deklara katak ICC-TL nafatin sai katóliku maibe ses an hosi administrativa igreja katóliku roma tanba konsidera halo diskriminasaun no explorasaun.
“Ami nafatin sarani katóliku maibé ami ses an hosi administrasaun sarani katóliku roma tanba halo explorasaun, to’o agora rejista ona membru hamutuk 38.000, padre no madre hamutuk 132 no Bispu hamutuk na’in 4 inklui Vigáriu Jeral”.
“Ami existe desde 2018, hahú hala’o atividade husi area rural la’o to’o ohin loron, ami haboot no hametin sai nasional no internasional, ami nia sentru sentraliza (domisilia) iha Filipina”.Dehan Arse Bispu Diocese Dili Dom Afonso Mauresi Topoldana ba SAPNews iha Motael, Quarta (02/04/2025).
Bispu Afonso Topoldana afirma ICC-TL funda ho nia vizaun no misaun rasik tuir Biblia Sagradu atu haklaken no habelar doutrina lolos tuir evangelu hodi halibur timoroan hotu-hotu.
“Ba maun alin inan feton doben Timor oan sira,
sarani kristaun katolika mak iha Timor-Leste liu-liu ba jerasaun foun sira mak nu’udar ai-rin ba República Democratica de Timor-Leste atu hatene hodi relembra hikas ba kotuk iha tinan atus lima resin ne’ebé liu ona iha ita nia kotuk”. Nia sublinha
Nia esplika, tempu to’o ona nia rohan maka ohin dia 2 de abril de 2025, religiaun da ICC-TL
nu’udar rai nain original ba Timor-Leste nia na’in rasik maka nia parte reprezenta bispu, no padre sira reafirma pozisaun hodi hato’o esklaresimentu ba públiku ligadu ho ezisténsia Igreja Katolika Karismatika Timor-Leste.
“Ami em nome de religiaun mak públika
ICC-TL nia vizaun no misaun ba públiku tomak husi Timor-Leste ba mundu internasional atu rona no hatene ICC-TL nia vizaun, hodi labele kompletu ho ami nia ezistensia iha Timor-Leste”.
A. Religiaun Igreja Katolika Karismátika Timor-Leste nia Vizaun ba timoroan hotu-hotu no liu-liu ba sarani kristaun katólika mak iha Timor-Leste atu hametin fiar ba aman Maromak kriador leten as tuir evangelu Biblia sagradu ICC-TL.
B. Misaun ICC-TL. Atu haklaken no habelar doutrina lolos tuir evangelo (Bibila Sagrado) hodi halibur timoroan Maubere-Buibere kultura nain sira, uma lisan hotu-botu, lia nain sira no liu-liu ba sarani kristaun sira hotu atu reintrega hamutuk iha religaun ICC-TL hodi Biblia sagrado, Evangelho João 14:6 mak Na‘’i Jesus heteten ba nia: “Ha’u mak dalan no lialos ba moris, ema ida labele hakbesik ba aman, sei la liu husi ha’u”.
Dom Afonso Mauresi Topoldana salienta, religiaun ICC-TL sei rekruta timoroan sira, feto no mane mak sei forma missionariu foun husi lisenciaturas, academika, formadus husi estudantes teologia timoroan sira ne’ebé akaba ona sira nia estudus teologia husi rai estrangeiros: Brazilia, Filipina, Rusia, Indonesia, Portugal no nasaun seluk-seluk iha mundu.
“Na’i Jesus Kristu atu sa’e ba lalehan tuir lian Indonesia, evajellu Mateus 28 : 18-20, “Kepada-Ku telah diberikan segala kuasa di surga dan di bumi. Karna itu pergilah, jadikanlah semua bangsa murid-ku dan baptisiah mereka dalam sama Bapa dan Anak dan Roh kudus, dan ajariah mereka melakukan segala sesuatu yang telah Kuperintabkan kepadamu. Dan ketahuilah, aku menyertai kamu senantiasa sampai kepada akhir zaman”.
Igreja Katolika Karismatika Timor-Leste nia Arse Bispu Diocese Dili Dom Afonso Mauresi Topoldana hatutan, ba timoroan sira feto no mane ne’ebé ho laran mamar, laran luak no hakbesik an hodi hatene katak, reintegradu ba ICC-TL nakloke iha estratifikasaun sosial ain leten ne’ebé sei la fihir ema ho kategoria social.
Bispu Afonso mós husu ba sidadaun timoroan hotu-hotu atu labele halo insultu, tolok, hotar, ameasa, no halo diskriminasaun tanba konstituisaun RDTL artigu 12° kona-ba estadu no konfisões relijiosos alinea 1 no 2.
Liderança ICC-TL ne’e husu atu Bispu Carlos Filipe Ximenes Belo bele hetan liberdade no fila fali mai rai Timor-Leste tanba povu no nasaun ne’e presiza ninia domin, apoiu no kontribuisau.
Fo hanoin fali katak antes ne’e Dom Virgílio Cardeal do Carmo da Silva konsidera ICC-TL ilegal no Dom Carlos Filipe Ximenes Belo mós la rekunhese, maske nune’e maibe Bispu Afonso Topoldana deklara nia parte prontu halo dialogu, la preokupa intervensaun públiku no kontinua hala’o sira nia atividade pastoral iha territóriu nasional.
Antes ne’e, Liderança ICC-TL hasoru ona Parte Parlamentu Nasional no Governu liu hosi Vise Primeiru Ministru Francisco Kalbuadi Lay hodi apresenta sira nia ezisténsia.
Jornalista : Marciana da Conceição
