Portugal : Timoroan Ida Tur-Ahi Iha To’os-Laran Ho Kondisaun Diak

Imajem : Traballadora timoroan ida ne’ebe kous bebe-mane ida Iha Portugal, 21/01/2026

SAPNewsTL, Portugal : Traballadora timoroan ida tur-ahi ho kondisaun diak iha to’os ida, iha Portugal.

Tuir Publikasaun ne’ebe Dezi M. L. A. Moniz fo sai liu hosi nia konta facebook haktuir katak traballadora timoroan ne’e hala’o servisu iha Portugal, servisu to’o tur-ahi iha to’os-laran.

“Servisu to’o labarik moris deit iha to’os laran, forsa nafatin feto maluk, vida la’orai moris mak nune’e ona”. Hakerek Dezi M. L. A. Moniz iha Portugal, 21/01/2026

Traballadora timoroan ne’e sublinha “espera buat hotu diak ba mana ho bebé bonito, oan ne’e mama Fátima sei tau matan, haraik grasa nafatin ba imi rua, força nafatin, welcome bebé bonito”.

Hafoin bebe-moris mai, traballador hirak ne’ebe servisu iha fatin refere ba ajuda no fasilita tula ho karreta hodi lori ba ospital, nune’e bele hetan tratamentu ba bebe refere no inan ne’ebe tur-ahi iha to’os laran.

Enkuantu, Bebe ne’ebe traballadora timoroan ne’e hahoris ho sexu mane no iha kondisaun diak.

Hafoin notísia ne’e publika, SAPNews seidauk halo kimfirmasaun ho timoroan sira ne’ebe lori bebe no nia inan ba ospital.

https://www.facebook.com/share/v/1aEc8UEpz9/