Povu TL Simu PM Australia Ho Entusiazmu & Nakonu Ho Esperansa 

Imajem : Primeiru Ministru Austrália Anthony Albanese kaer liman ho Primeiru Ministru Timor-Leste Kay Rala Xanana Gusmão iha Aeroporto Internacional Comoro, 26/01/2026

SAPNewsTL, Dili : Primeiru Ministru Austrália Anthony Albanese to’o Aeroportu Presidente Nicolau Lobato no simu direta hosi Prezidente Repúblika Jose Ramos-Horta no Primeiru-Ministru Kay Rala Xanana Gusmão.

Ohin, povu Timor-Leste hetan vizita oficial no krusial tebes hosi Primeiro Ministro Austrália Anthony Albanese, hafoin nasaun ne’e restaura ninia independensia liu tiha tinan 24.

Objetivu prinsipal hosi vizita oficial ne’e sei diskute relação no kooperasaun bilateral entre Timor-Leste no Austrália.

Vizita ne’e, Primeiru Ministru Austrália sei halo enkontru bilateral ho Presidente Republika Democrática Timor-Leste Jose Ramos Horta iha Palácio Presidêncial Nicolau Lobato Aitarak Laran no halo enkontru kooperasaun ho Primeiru Ministru Kay Rala Xanana Gusmão iha Palácio Governo.

Tuir mai, Primeiru Ministru Austrália sei halo vizita ba Uma Fukun Parlamento Nacional ho hato’o diskursu ofisial, Presidente Parlamento Nasional Maria Fernanda Lay sei hato’o diskursu ofisial inklui bankada parlamentar sira sei halo diskursu durante serimónia solene.

Prezidente Repúblika, José Ramos-Horta kondekora ho órdem Grande Colár Timor-Leste ba PM Austrália, iha salaun Xina.

Hafoin, Primeiru Ministru Austrália Anthony Albanese sei fila hikas ba Austrália iha Aban, loron 29 Janeiro 2026.

Tuir observasaun Jornalista SAPNews iha terenu nota katak wainhira Primeiru-Ministru Austrália to’o aeroportu simu ho tradisaun Timor-Leste no iha luron ninia foinsa’e sira ho imajem no bandeira rai rua nian hodi haklalak no kontente simu Anthony Albanese.