PR Horta Kondekora Sidadaun Nasional & estranjeiru hamutuk 108
Imajem : Prezidente Repúblika José Ramos Horta kondekora Tomas Cabral, atual Ministru Administrasaun Estatal inklui sidadaun nasional no internasional hamutuk 108 iha Palásiu Presidente Nicolau Lobato, 19/05/2025. Foto : Média PR
SAPNewsTL, Dili : Xefi Estadu José Ramos Horta kondekora Orden Timor-Leste ho Grau Kolar Medalla no insignia hamutuk ho sertifikadu rekuhnesimentu ba Ministru Administrasaun Estata (MAE) Tomas Cabral hodi rekuhnese kna’ar ba benefisiu povu timoroan durante prosesu desenvolvimentu nasional.
Marcela Mery & Guilhermino Ramos – SAPNews
Iha diskursu Presidente Repúblika José Ramos Horta hateten, nia parte kondekora aktual Ministru Administrasaun Estatal (MAE) Tomas do Rosário Cabral ho Orden Timor-Leste ho Grau Kolar Medalla no insignia hamutuk ho sertifikadu rekoinesementu ba individuál nasionál no estranjeiru balun ne’ebé hala’o funsaun ba benefísiu timoroan sira-nian durante prosesu dezenvolvimentu nasionál.
“Ministru Tomas Cabral ema barak odiu nia inklui ha’u mós dalaruma odiu nia tanba iha momentu preparasaun ba vizita Papa Francisco mai Timor-Leste, nia manda ita, ha’u dehan ba nia ita bo’ot hanesan fali liurai bo’ot Laklo” Dehan Xefi Estadu José Ramos Horta Iha salaun China, Palasiu Governo Aitarak-Laran Segunda, (19/05/2025)
Prezidente Repúblika José Ramos Horta, kondekora onra nasional prestijiozu, Orden Timor-Leste ba resipiente nasional no internasional sira nu’udar rekonhesimentu ba sira-nia servisu dedikadu no kontribuisaun esepsional ba nasaun, Timor-Leste (TL)
Orden Timor-Leste atribui ba resipiente distintu na‘in-21 ba sira-nia kontribuisaun esepsional ba setor justisa nasaun nian, ho resipiente na’in 17 simu Grau Kolar Orden Timor-Leste no na’in haat 4 simu Grau Medalla Orden Timor-Leste.
Kondekoradu sira hamutuk ho Presidente República José Ramos Horta
Orden Timor-Leste ba resipiente distintu na‘in-78 iha setor oioin dezenvolvimentu nasional nian, na‘in-20 simu Grau Kolar Orden Timor-Leste, na‘in-41 simu Grau Medalla Orden Timor-Leste, na‘in-16 simu Grau Insignia Orden Timor-Leste, no na‘in ida simu Grau Medalla Méritu.
Xefi Estadu mós atribui Grau Kolar Orden Timor-Leste ba Eis Embaixador Estadus Unidus Amérika nian mai Timor-Leste, Grover Joseph Rees, nu’udar rekoinesimentu ba ninia kontribuisaun esepsional hodi hametin relasaun diplomatika entre nasaun Timor-Leste ho Estadus Unidos Amerika (EUA).
Enkuantu, PR Horta, rekoinese mós ho Orden Nicolau Lobato atribui ba Reverendu Padre Domingos da Silva Soares “Maubere,” nu‘udar rekonesimentu ba nina kontribuisaun signifikativu ba Timor-Leste nia luta ba independénsia nasional.
Premiadu Novel da Paz ne’e fundamenta Povu Timor-Leste la haluhan rekoinese kontribuisaun sidadaun timoroan no estranjeiru, nune’e serimonia ofisial kondekorasaun ba kontribuisaun sidadaun nian nu’udar onra ba dedikasaun durante luta ba Timor-Leste.
“Bainhira ita selebra ita-nia nasaun nia independénsia, ita fó onra ba ema sira ne‘ebé sira nia dedikasaun sai instrumental iha ita-nia jornada, husi setor justisa to’o servisu diplomatiku, husi kombatente sivil iha ita-nia luta ba libertasaun to‘o esforsu inkansavel husi ema sira seluk ne’ebé serbisu ba ita nia dezenvolvimentu individu esepsional sira ne’e reprezenta di’ak liu Timor-Leste nian”.
Horta afirma, Kondekorasaun hirak ne’e rekoinese esforsu inkansavel husi premiadu sira iha area oioin inklui akademia, kuidadu saude, servisu governu, esforsu rezistensia, relasaun diplomatika, no setor justisa, sira nia kontribuisaun fó benefisiu diretamente ba sidadaun Timoroan.
“Sira nia kompromisu ne’ebé metin iha setor oioin hametin ita nia demokrasia joven, promove pas entre povu sira, no kontribui signifikativamente ba ita nia estabilidade nasional, sira nia susesu koletivu hatudu los deit esepsional pessoal maibé mós reziliensia no determinasaun espiritu timoroan nian bainhira ita kontinua harii ita-nia nasaun.”
Entretantu, serimonia ofisial kondekorasaun ne’e Prezidente Repúblika José Ramos Horta atribui Grau Kolar Orden Timor-Leste ba ema nain (17), Grau Medalla Orden Timor-Leste ba ema nain hat (4) kondekorasaun orden Timor-Leste ho Medalla Insignia hamutuk ho sertifikadu rekoinesementu ba ema nain (20), Grau Medalla Orden Timor-Leste ba ema nain (42) Grau Insignia Orden Timor-Leste ba ema (16) no Grau Medalla Orden Timor-Leste ba ema ida (1) total kondekoradu 108.