PR Horta Konsidera Igreja Katedral Sai Monumentu Boot Iha Mundu

SAPNewsTL (Dili): Presidente da Repúblika Jose Manuel Ramos Horta, akompanha husi Primeiru Ministro Taur matan Ruak, ho Presidente Parlamento Nacional Aniceto Guterres, Presidente Tribunal Rekursus Deolindo Dos Santos, ho membros Do Governo no membros, Parlamento Nacional no Entidades hotu, simu Kardeal Dahuluk iha Timor Leste, Dom Virgilho Do Carmo Da Silva SDB iha Aeroportu Internasional Nicolau Lobato segunda-feira ne’e.

Hafoin simu kardeal Dom Virgilho, Presidente da Repúblika Jose Manuel Ramos Horta partisipa misa agradesimentu iha Igreja Imaculada Da Conceição Catedral Dili, iha Diskursus Presidente da Republika hateten Catedral ohin sai hanesan monumental tebes ba igreja Timor Leste.

“Lori Estado tomak nia naran, nu’udar xefe Estado ha’u hakarak hato’o ami tomak nia saudasaun ba sua Eminénsia Reverindissima Cardeal Dom Virgilio  no kongratula ba ita boot ne’ebe tama iha Colegio Cardinalício”, dehan Presidente da Republika iha Igreja Imaculada da Conceição Catedral Dili (05-09).

 Tuir Presidente da Republika Igreja Catedral sai hanesan monumentu boot tebes iha mundu tanba asinatura iha portaun rua husi Jeneral Haji Mohomad Soeharto, no Papa João Paulo II.

“Wainhira Tama iha Uma kreda boot ida ne’e, iha portaun asinatura rua, ida husi Jeneral Haji Mohomad Soeharto, Presidente da Repúblika Indonesia nian nu’udar figura Islam ida ne’ebe inaugura projetu da construsaun iha 2 de Novembro  de 1988, ida seluk, asinatura husi Lider espiritual no karismatiku katoliku, Papa João Paulo II, iha 12 de outobro 1989”, Dehan Horta iha Catedral Dili.

Entertantu, Prezide Orasaun  agradesimentu ne’e rasik husi kardeal Dom Virgilho Do Carmo Da Silva SDB  iha Igreja Imaculada Da Conceição Catedral Dili.

Jornalista : Vinsensius Saldanha Morais De Araujo