PR Partisipa Konsolidasaun, CNRT Konsidera Ne’e Símbolu Agradesimentu

Imajem : Vise Presidente  Bankada CNRT Patrocino Fernandes Dos Reis, iha Resintu PN, Dili, 10/04/2023

SAPNewsTL, Dili : Relasiona ho informasaun ne’ebé Viral iha Media Sosial kona-ba Prezidente Republika (PR) Jose Ramos Horta ne’ebe Partisipa Iha Konsolidasaun Partidu Congressu Násional Rekonstrusaun Timorense (CNRT-sigla Português) iha  Baukau Orseik (09/04/2023) ne’ebe ema barak preokupa.Vise Presidente  Bankada CNRT Patrocino Fernandes Dos Reis Hatete Prezidente Kebetulan/Derepenti Hasoru Estrutura sira hodi fo Agradesimentu

“Ha’u hatene Prezidente Republika (PR) bainhira hola Asaun ida konserteja nia tetu rasik, tuir informasaun ne’ebé ha’u hetan katak nia apenas atu ba fo Agradesimentu ba estrutura CNRT nian iha Baucau”. Tenik Vise Presidente  Bankada CNRT Patrocino Fernandes Dos Reis Jornalista sira iha Resintu PN, Dili, 10/04/2023

Nia Esplika “Tanba sa mak PR tenki agradese? tanba nia hatene katak nia ba tu’ur iha kadeira Prezidente ne’e mai husi esforsu bo’ot kuadrus tomak partidu CNRT nian ne’ebé servisu mate an hodi lori nia ba tu’ur iha kadeira PR”. nia dehan

Patrocinio Fundamenta “Ne’e la’os signifika nia ba halo konsolidasaun Partidu CNRT mais kebetulan/derepenti estrutura sira konsertradu hela konsolidasaun nia tun deit minutu ida rua aproveita fo deit Agradesimentu ida ba estrutura sira ne’ebé servisu mate an hodi lori Prezidente ba Aitarak laran, para ita bele repoin fali orden konstituisaun sira, ita bele lori fali Timor Leste nia imagen ba iha mundu internasional sala ne’e iha ne’ebé ? ” hatete Patrocino

CNRT konsidera Presensa PR iha ne’e hatudu duni lideransa ida ne’ebé hatene agradese ema seluk nia servisu, la hanesan ema seluk ne’ebé liu tiha ona ba kotuk kuadru CNRT tomak servisu makina partidu nian sevisu mate an didiak hodi lori ba tur tiha iha kadeira PR fila Trai fali Partidu CNRT

“Ha’u dehan PR nia prezensa iha ne’eba konserteja nia tetu didiak saida mak nia halo ida ne’e risku ba ha’u ou lae, Iha ambiente demokrasia ne’e publiku nia preokupasaun iha saida deit ne’e normal” nia haktuir

Deputadu ne’e salienta, “Nia hatene katak sei viral ema hotu sei komentariu mais nia ho nia konsiensia hanoin katak nu’udar umanu, nia iha obrigasaun ida atu fo Agradesimentu ba ema seluk nia servisu, ba ha’u ne’e importante mós atu halo ida ne’e mak ha’u hare’e aspetu ida ne’ebé PR halo ba hau ne’e pozitivu i hatudu lideransa nu’udar timor oan ida iha ne’e, Mesmu nia la afilia ba partidu politiku oan ida laos afilia ba CNRT laos afilia ba ida ne’e maibé nia hatene agradese”. nia defende

Entertantu, iha Plenaria Deputadu Bankada FRETILIN Antoninho Bianco konsidera presensa Presidente Republika iha konsolidasaun Partidu ne’e minimiza dignidade nu’udar Xefe Estadu

“Iha fatin bar-barak ne’e ladun diak signifika hatun nia dignidade nu’udar Xefe Estadu”. hakotu nia

Jornalista : Ermelinda Soares