Prepara Joven Ba Servisu, SEFOPE Asina Kontratu Ho Sentru Formasaun 16

Imajem : Sekretariu Estadu Formasaun Profisional no Empregu(SEFOPE) Alarico do Rosario, asina akordu ho sentru formasaun 23 asina akordu
SAPNewsTL, Dili : Sekretariu Estadu Formasaun Profisional no Empregu(SEFOPE), hamutuk ho sentru formasaun 16 asina akordu hodi bele halo investimentu nune’e bele fo aprendijajem ne’ebe diak ba joven sira. Tuir Sekretariu Estadu Formasaun Profisional Sr. Alarico do Rosario hateten fo kontratu ba sentru formasaun sira atu nuneโe bele kesi metin sira hodi serbisu.
โOhin SEFOPE asina kontratu ho sentru formasaun sira tanba orsamentu governu nian maka hodi apoiu no reforsa ba sentru formasaun sira no ita tenki iha kontratu ida atu kesi metin sira bele serbisu no ita mos bele halo monitorizasaun, โdehan Sekretariu Estadu Formasaun Profisional Alarico do Rosario ba jornalista sira, iha Salaun SEFOPE, Caicoli-Dili, (17/04/23)
Nia reforsa tan katak kada tinan sira realiza programa ida neโe atu nuneโe sentru formasaun sira bele iha kbiโit no forsa kualifikadu hodi fo aprendijajem neโebe diak ba joven sira.
โPrograma ida neโe kada tinan iha no tinan ida neโe mak ita nia investimentu ba Sentru Formasaun sira mak ohin asina ona kontratu neโe no tinan oin mos sei hanesan neโe tanba ida neโe laโos ba tempu maibe ida neโe politika investimentu ba rural neโe mak ita fo apoiu ba sentru formasaun sira oinsa sira bele hetan kbiโit no forsa kualifikadu ba formasaun no mos hodi bele fo aprendijajem neโebe diโak ba ita nia joven sira,โ Tenik Sr.Alarico do Rosario.

Imajem : SEFOPE Alarico do Rosario
Nia hatutan tan sentru formasaun hirak neโebe hetan kontratu husi SEFOPE mak hanesan Sentru Formasaun Komunitariu, Rejistradu no mos Akreditadu.
โSentru Formasaun neโebe mak hetan kontratu husi sentru formasaun komunitariu rua (2), sentru formasaun rejistradu rua (2) no mos sentru formasaun akreditadu sanulu (12), formasaun ne’e prioridade liu ba Agrikultura, Hospitalidade no Konstrusaun ho orsamentu hamutuk rihun Atus-haat-ualunulu resin-ida dolares Amerikanu (USD 481.000), โHakotu nia.
SEFOPE fo apoiu kontratu ba Sentru Formasaun sira hodi nuneโe sira bele iha kbiโit hodi fo formasaun ba joven sira atu nuneโe bele kapasita joven sira liu husi tipu area formasaun hirak neโebe sira hili.
Lembra fali katak Iha tinan 2023, iha inisiu publikasaun vaga ho totalidade aplikante hamutuk nain (131) kompostu husi Mane (66) no Feto (65) no husi rezultadu selesaun dokumentus no intrevista komprova katak aplikante nain (70) mak passa iha faze ida neโe, no rezumu estagiadu kompostu husi aplikante nain (67) no nain (3) mak lakon kontaktu no iha estajiadu nain (7) mak mai husi ema defisiensia neโebe mak sei tuir mos estajiu nasoinal no kompostu husi Sentru ADTL Ahisaun no Sentru CDITL.
Jornalista: John Marito