Presidente Repúblika Hetan Protestu Husi Nasionalista Myanmar
SAPNewsTL, Dili : Nasionalista Myanmar sira protesta Presidente Repúblika Timor-Leste Jose Manuel Ramos Horta tanba Foin lalais ne’e, Ramos Horta husu ba soldadu sira atu hamriik hamutuk ho povu Myanmar.
Notisia ne’e Mídia SAPNewsTL asesu liu husi Pajina Facebook ho naran “The Irrawaddy-Englis Edition” husi Nasaun Myanmar iha loron 14 Fulan Dezembru 2023.
Protestante sira hamriik ho imagem Presidente Repúblika Jose Ramos Horta ne’ebe riska ho sinal X no spanduk sira hodi kontra deklarasaun no protesta Laureadu Nobel da Paz, Atual Presidente Repúblika Timor Leste.
“Protestu ne’e hala’o iha loron-kuarta-feira iha Salaun Sidade Yangon nian hasoru Prezidente Timor-Leste Jose Ramos-Horta, ne’ebé foin lalais ne’e husu ba soldadu sira atu hamrik hamutuk ho povu Myanmar.” SAPNewsTL foti liu husi Pajina Facebook ho naran “The Irrawaddy-Englis Edition” husi Nasaun Myanmar iha loron 14 Fulan Dezembru 2023.
Tuir informasaun ne’ebe SAPNewsTL asesu protestu ne’e lidera husi nationalist Buddhist monk U Pinnya Wuntha, iha ne’ebé mós organiza reuniaun anti-Xina iha Yangon iha Novembru liu ba kotuk.
Enkuantu, Asuntu ne’e média jornál sira mós publika artigu sira ne’ebé Prezidente Timor-Leste halo antes ba Junta Militar Myanmar tanba Junta Militar Myanmar hamosu ditadura no kontra direitus humanus.
Entretantu, Daudaun ne’e Presidente Repúblika Timor Leste Jose Ramos Horta seidauk halo komentariu ba kestaun protestu husi povu balun iha Myanmar.
Jornalista : Marcela Mery da Costa