Protestu Iha Iraun Rezulta Ema 2.550 Lakon Vida ! Husein : “Reza & Entrega Ba Maromak”.
Imagen : Manifestasaun iha Iran kona ba problema ekonomia rai-laran. Foto : BBC News
SAPNewsTL : Relativamente ho manifestasaun anti governu Iraun hosi iranianu/a sira kona ba problema ekonomia rai-laran ne’e mosu krítiku no anarkismu oioin hodi resulta ema 2.550 (ema baibain 2.403 no ofisial governu 147) lakon vida.
Protestu hirak ne’e relasionadu ho kestaun ekonómiku ne’ebe hahú iha loron 28 fulan-Dezembru iha Kapital Teerão, Iraun. Hafoin ne’e sira espalla ba sidade 187 no provínsia 31. Sita Ajénsia Notísia Ativista Direitu Umanu (HRANA).
Tensaun hosi manifestasaun anti-governamentál sira ne’ebé maka hala’o durante loron sanulu resin iha Iraun, Dadus HRANA nian hatudu katak “akontese ona manifestasaun hamutuk 614 ne’ebé rezulta iha manifestante na’in 2,403 no ofisiál governu na’in 147 lakon vida”. Sita BBC News. 15/01/2026
Ligadu ho akontesimentu ne’e, iha istória kona-ba família ida hosi Indonézia ne’ebé nia oan sira hela iha Iraun ne’e preokupa no entrega ba Maromak tanba lakon ona kontaktu ho família sira.
“Ha’u la konsege kontaktu sira durante loron lima, ha’u sempre reza atu sira di’ak hela”. Hateten Rezidente Jember, Java Leste, Husein Ali ba BBC News Indonesia.
Husein la konsege kontaktu nia oan na’in rua ne’ebé maka estuda iha Iraun, iha loron lima ikus ne’e tanba rede telekomunikasaun sira ne’ebé maka avaria.
“Ha’u sempre reza atu sira seguru no di’ak. Atu ultrapasa ha’u nia preokupasaun, laiha dalan seluk maibé reza no husik ba Maromak,” dehan Husein bainhira kontaktu liuhosi telefone iha Tersa (13 Janeiru).
Ministériu Negósiu Estranjeiru Indonézia (Kemlu), liuhosi Embaixada Indonézia iha Teeraun, akompaña maka’as situasaun seguransa no kondisaun sidadaun Indonézia nian iha Iraun. Bazeia ba avaliasaun kondisaun sira to’o loron 12 Janeiru, Ministériu Negósiu Estranjeiru afirma katak la presiza evakuasaun.
“Maski nune’e, preparasaun sira hodi antesipa eskalasaun ida hosi situasaun seguransa nian tuir planu kontinjénsia nian kontinua la’o”, lee iha komunikadu imprensa hosi MNE.
Husein Ali ne’ebé ho tinan 71, haruka nia oan na’in rua ba eskola iha Iraun. Nia oan-feto kaben ona no iha oan. Sira hela iha Iraun durante tinan 15. Aleinde ne’e, Husein nia oan-mane estuda hela siénsia informátika iha Qom, Iraun.
Iha inísiu hosi onda manifestasaun sira nian iha fulan-Dezembru nia rohan, Husein hatete katak nia iha komunikasaun besik ho nia oan sira.
“Hanesan inan-aman, ha’u husu kuaze loron-loron situasaun iha ne’ebá oinsá, tanba ha’u haree manifestasaun sira iha notísia, sunu sasan barak. Sira dehan seguru, situasan la’o nafatin hanesan baibain,” Husein hatete.
“Ha’u nia bei-oan sira hosi eskola primária nafatin eskola hanesan baibain. Servisu públiku sira funsiona ho normál,” nia hatete.