PT-CMIR Kompremetidu Investe & Explora Osan Mean & Karvaun Iha TL
Imajem : Diretor PT.Celebres Mineral Indo Resources Musri Mawaleda iha Palasiu Prezidensial Nicolau Lobato Aitarak-laran, Quarta (12/03/2025)
SAPNewsTL, Díli – Dezenvolve no explora rikusoin minerais, PT Celebes Mineral Indo Resources (PTCMIR), iha komitmentu hodi investe iha Timor-Leste hodi explora rekursu mineral iha Timor-Leste.
Tuir Diretor PT.Celebres Mineral Indo Resources Musri Mawaleda hateten, vizita Prezidente Republika ho hanoin atu dezeja investimentu iha Timor-Leste hodi explora rekursus mineral ne’ebe eziste iha nasaun ne’e.
“Ha’u rasik reprezenta investidor sira iha setor mineiru, hasoru malu ho Prezidente Repúblika (PR) José Ramos Horta, iha ami nia sorumutu ne’e presidente hato’o nia apresiasaun ba ami nia empreza, PT. CMIR ne’ebe mak ho hanoin atu halo investe iha area minerasaun nian hanesan osan mean no karvaun” .Dehan, Diretor PT.Celebres Mineral Indo Resources Musri Mawaleda ba jornalista sira, hafoin remata enkontru ho PR iha Palasiu Prezidensial Nicolau Lobato Aitarak-laran, Quarta (12/03/2025)
Nia afirma, iha Timor-Leste seidauk dezenvolve area minerias sira hanesan riti osan mean no marmer, nune’e perspetiva, subsidiariu ida husi Fujian Chijiang Investment Co., Ltd. ne’ebé baze iha Jakarta, hasoru malu ho PR Horta hodi aprezenta no diskute planu investimentu kona-ba esplorasaun riti, osan-mean no manganês iha Timor-Leste.
“Fujian Chijiang Investment Co., Ltd hakarak investe husi implementasaun, hanesan agora daudaun iha Indonézia, subsidiáriu ida husi tipu minerál industriál ida ne’ebé harii iha Indonézia mós iha tempu badak sei estabelese subsidiáriu ekipa ida iha ita nia nasaun Timor-Leste, klaru iha kolaborasaun ho empreza lokál sira”.
Diretor PT.Celebres Mineral Indo Resources Musri Mawaleda esplika esplorasaun mineirai iha Timor-Leste bele absorve traballador sira no sai hanesan komitmentu ida husi kompania hodi promove traballador lokal sira hahu husi prosesu esplorasaun minarai to’o prosesamentu liu-liu metal sira.
“Klaru, la fasil ba ita atu komprende katak buat ne’ebé hanaran mineiru ne’e negósiu ida ho risku aas tebes iha termu kustu teknolojia aas maibé kustu aas, ne’e empreza iha kompromisu atu hala’o peskiza, nune’e hosi inísiu, karik ami sei hato’o pedidu ida atu hala’o introdusaun edukasionál inisiál sira relasiona ho minerál metáliku sira, inklui kolaborasaun ho empreza lokal”.
Mawaleda hatutan, potensiál ba metal prinsipál sira hanesan kobre no osan-mean seidauk koñesidu ho luan, maibé empreza ne’e iha kompromisu atu hala’o peskiza no iha posibilidade atu dezenvolve, rekursu potensial sira ne’ebe eziste.
Enkuantu, Prezidenti Republika realsa, nia parte apoiu inisiativa PT Celebes Mineral Indo Resources (PTCMIR), hodi investe iha Timor-Leste, nune’e bele dezenvolve potensia importante sira ne’ebe fó vantajen ba nasaun.
“Ita apoiu no agradese tebes atu investe, mai iha fatin hotu-hotu atu fó ideia ne’e ba foin-sa’e sira, entaun ida ne’e la’ós promesa ida. Se la’ós laiha potensiál tanba ita-nia espesialista iha setór mineiru sei determina tebes hosi potensiál rejionál, entaun sei bele dezenvolve ho diak”.
Jornalista: Vinsensius Saldanha Morais De Araujo
