KI Rekunhese Presiza Hadia Kualidade Informasaun

SAPNewsTL, DILI – Conselho Imprensa de Timor-Leste (CI), realiza atividade forum editoriál 2024, objetivu husi forum ne’e hodi eleva koñesementu jornalista nian, kona-ba asuntu limite, Asesu Informasaun Jornalístiku nian iha prosesu penál ho kazu krimi publiku ne’ebe tuir prosedimentu iha prokurador, no tribunal.

Prezidenti Conselho de Imprensa de Timor-Leste (CI) Otelio Ote hatete, Konselho Imprensa servisu hamutuk ho Prokuradór Jerál Repúblika (PJR) hodi realiza atividade forum editoriál ba dahuluk iha tinan 2024, ho objetivu atu Ministériu Públiku bele partilla informasaun kona-ba prosedimentu legál, termus jurídiku inklui limitasaun hirak ne’ebé jornalista sira labele ultrapasa.

“Conselho Imprensa (CI) origaniza atividade forum editorial entaun Ita konvida Kordenador prokurador primeira instansia husi munisipiu Dili Aderito Tilman, esklarese asuntu limite asesu informasaun ba jornalista sira iha prosesu penal”,

 

“Tanba durante ne’e jornalista sira halo kobertura iha area ida ne’e balun iha prokurador, balun iha tribunal, Ita presiza rona husi autoridade sira, atu jornalista sira entende liu tan prosesu legal, hahu prosesu investigasaun iha tribunal, no desisaun iha tribunal, Kona ba produto jornalistiku ba Kazu legal”, Dehan Prezidenti CI iha salaun enkontru Conselho de Imprensa, Quinta,14/03/2024)

Lideransa orgaun reguladora média nasionál ne’e, informa iha forum editoriál ne’e parte Ministériu Públiku liu husi Prokuradór Koordenadór Primeira Instánsia Distritál Díli, Adérito António Pinto Tilman aprezenta matéria kona-ba “Limite Asesu Informasaun Jornalístiku nian iha prosesu penál ho kazu krimi sira.

“Conselho Imprensa, senti esplikasaun ne’e ajuda tebes jornalista sira liga ba konteudu hanesan bele mos avansa ba konteudu seluk bele entende prosesu penal,prosesu justisa,ne’ebe jornalista sira presija hatene semana rua liu ba, ita hasoru prokurador no ministeriu publiku.

 

“Ohin iha entendementu ho prokurador jeral ida ba futuru, kazu sira ne’ebe relasiona ho kontra kodigo etika, Ita resolve liu husi prosesu no mekanismu jornalistiku ne’ebe nia fatin ikus mak liu husi hatur kazu bainhira parte rua la konkorda malu lori ba tribunal mak ita refere ba tribunal ida ne’e mak ita nia intensaun ohin prokurador koalia rasik suporta ita no realiza lalais” Hateten nia.

Prezidente Otelio Ote hatutan, memorandum of understanding (MoU) ida ne’e ho Ministeriu Publiku, direitu atu lori direita ba tribunal ne’e direitu sidadaun nian, ba kazu produtu jornalistiku, iha lei rasik ne’ebe nia mekanismu ne’e iha kedas ne’eba.

 

“Ita sempre alerta ba komunidade sira, Ita halo sosializasaun ba eskola no autoridade lokal sira, Kazu sira ne’ebe relasiona ho produtu jornalistiku resolve liu husi mekanismu prosesu jornalistiku no hato’o direita ratifikativu, se la kontente ho ida ne’e kazu ba (CI) iha tinan ida ne’e no tinan seluk mai halo susesaun ba Midia no sosiedade sira.”

Iha fatin hanesan Direitor Exekutivu (CI) Antonio Dias, akresenta programa ida ne’e hanaran Garantir a liberdade da Imprensa e asesu da informasaun, boa governasaun no gestaun instituisaun

 

“Ohin ne’e ita halo programa muda Garantir a liberdade da Imprensa asesu informasaun, hanaran programa Forum editorial tanba desde 2018 depois hari’i Conselho Imprensa iha 2016 to’o 2018 Conselho Imprensa presiza Forum ne’e atu ita partilha kestaun sira ne’ebe bele fo garante ba kestaun rua ne’ebe ita foin koalia, liberdade Imprensa e asesu informasaun”.

Nia hateten aspetu rua ne’e hamosu problema em termos a liberdade de Imprensa Timor-Leste iha Ranking ida ne’ebe boot tebe-tebes ba Nivel mundia iha desimu lugar, iha Nivel sudeste Asiatiku okupa primeiru lugar, kestaun ida kona ba liberdade imprensa ne’e preokupasaun boot lamentasaun informal no formal, instituisaun barak ne’ebe asesu ba Informasaun tau iha kestaun, kualidade informasaun ne’ebe povu sira asesu ba seidauk tuir espetativa publika, (CI) sei presiza tan esforsu ida atu hadia kualidade de informasaun.

“Ita realiza atividade Forum editorial, objetivu atu halibur hamutuk atu ita ko’alia kona ba aspetu legal, ida ne’e hanesan inisiu Conselho Imprensa sei estabelese ho Ministeiro publiku no atividade ida formal no non formal, ita kontribui oinsa Timoroan hotu iha direitu bele asesu ba informasaun ne’ebe los no kredivel, ita mos presiza hadia Kualidade informasaun ba futuru”. Nia hateten

Partisipa iha programa forum editorial ne’e mai husi representante media nasional sira ne’ebe registradu iha baze de dadus konsellu imprensa nian.

Jornalista : Ermelinda Soares & Dircia Baptista