Rekupera Inséndiu Iha Portugal ! TL Apóia Millaun 10

Imajem : Inséndiu ne’ebe akontese iha Portugal. Foto : CNN Portugal

SAPNewsTL, Díli : Reuniaun Konsellu Ministru iha loron 27 Agostu 2025, Governu liu hosi Konsellu Ministrus manisfesta solidariedade no apoia osan millaun 10 ba Repúblika Portugal nia povu ne’ebe hetan inséndiu makaas hodi rezulta ema na’in mate, barak kanek no estraga ai-laran ektar rihun 248.

Konsellu Ministrus manifesta nia solidariedade ho Repúblika Portugál no povu portugés, tanba inséndiu maka’as iha ai-laran ne’ebé foin lalais ne’e afeta rejiaun norte no sentrál nasaun nian, hodi estraga ai-laran liu ektares rihun 248 no halo ema mate.

“Governu Timor-Leste aprova ona projetu Rezolusaun Governu ne’ebé aprezenta hosi Primeiru-Ministru, Kay Rala Xanana GusmãoGusmão hodi autoriza fó doasaun ho dolar amerikanu millaun 10 ba Repúblika Portugeza hodi apoia rekuperasaun hosi estragu sira ne’ebé kauza hosi inséndius”. Sita iha komunkadu imprensa iha Díli, 27/08/2025.

Imajem : Primeiro Ministro Timor-Leste Kay Rala Xanana Gusmão em Díli

Rekorda fali katak Portugal hetan afetadu hosi inséndiu rurál ne’ebe akontese iha fulan-Jullu, inséndiu ne’e mosu iha rejiaun Norte no Sentrál.

Inséndiu ne’e rezulta ema na’in haat mate, inklui bombeiru ida, ema barak hetan kanek, balun grave, no estraga mós to’os barak, animál hakiak sira, no floresta sira.