Revizaun Lei KomSos ! CI Mantein La Atribui Karteira Profisionál Ba Média Oficer

Imajem : Konseleiru Konsellu Imprensa, Amito Araujo iha Salaun CI Kintal-Boot, 05/08/2024. Foto : Conzita Mota

SAPNewsTL,Dìli- Conselho Imprensa (CI, sigla português), hala’o konferensia hodi relata rezultadu levantamentu  ba intervensaun Sekretário Estado Comunicação Sosial(SECOMS, sigla português), Iha Redasaun Radio Televição Timor-Leste I.P(RTTL.EP, sigla Português) no Revizaun Lei Komunikasaun Sosial (KomSos) kona-ba atribuisaun karteira profissional ba media officer no dadus atribuisaun karteira profisional.

Presidente konselu imprensa Otelio Ote hateten atividade ohin loron atualiza kona-ba  levantamentu diresaun média kona-ba intervensaun SEKOMS ba media RTTL.EP no esplika kona-ba karteira profisional ne’ebe mak agora jornalista sira hetan hodi asesu ba kobertura vijita sua santidade Papa mai Timor-Leste.

“Iha fulan hirak liu ba mosu informasaun ida kona-ba intervensaun ba redasaun RTTL, tanba ne’e konsellu imprensa iha nia mekanismu atu bele hatene lolos ba kazu Ida ne’e, Iha ezizensia barak husi publiku kona-ba konselu imprensa tenke deklara sai atu ita bele hetan kazu ne’e lolos atu labele sai diskusaun Iha liur”.Dehan presidente konselu imprensa Otelio Ote ba jornalista sira, iha salaun konselu imprensa, Segunda-feira(05/08/2024)

Líder masimu konselu imprensa ne’e hateten kompetensia konselu imprensa mak atu asegura liberdade sala editorial, atribui no renova karteira profissional,  asegura ema hotu atu asesu ba informasaun no asegura jornalista hotu-hotu tenke aplika kode etika jornalista.

Porta Voz Amito Araújo hateten iha fulan hirak liu-ba mosu notisia iha mídia balun ne’ebé deskonfia intervensaun SECOMS nian iha redasaun RTTL, E.P liga ho notísia kona-ba Primeiru Ministru Xanana Gusmão ne’ebé la kohi kaer liman ho membru governu sira bainhira fila husi nasaun Swiss, iha loron 23 fulan Abril tinan ne’e.

Bazeia ba informasaun intervensaun SEKOMS ba redasaun RTTL.EP, tanba ne’e CI estabelese nia komisaun ida hodi buka hatene faktus kona-ba informasaun refere, Komisaun hahú nia servisu durante fulan juñu no jullu hodi buka informasaun direta husi entidade oi-oin inklui jornalista RTTL, E.P, liu husi dadus ne’ebé hetan komisaun konklui ho faktus sira.

“SECOMS ba duni iha sala redasaun RTTL, E.P nian iha loron 23 fulan Abril tinan 2024 akompaña husi Prezidente Conselho Administrasaun RTTL, EP, SECOMS rasik bainhira partisipa nu’udar oradór iha the DILI DIALOGUE FORUM rekoñese katak ba duni sala redasaun RTTL, EP no konfirma katak SECOMS halo duni intervensaun ba sala redasaun RTTL, EP nian hodi muda konteúdu notisia ho titulu Primeiru Ministru lakohi kaer liman ho membru Governu wainhira fila hikas husi Swiss to’o Dili”Informa Porta Voz

Amito Araujo

Nia informa husi faktu hirak ne’e, Conselho de Imprensa kondena maka’as asaun intervensaun SEKOMS nian tanba kontra artigu 40 konstituisaun RDTL, no lamenta tanba asaun ne’e bele kontribui Hatun ranking liberdade imprensa Timor-Leste

“Kondena maka’as asaun intervensaun ne’e tanba, atetude ida ne’e kontra artigu 40 Konstituisaun RDTL pontu 2 ne’ebé dehan “LIBERDADE KO’ALIA NO INFORMASAUN NIAN LABELE HETAN LIMITASAUN HOSI SENSURA RUMA, lamenta atetude ne’e tanba asaun ne’e bele kontribul ba hatun ranking liberdade Imprensa Timor-Leste nian iha tinan hirak oin mai. Conselho de Imprensa husu ba SECOMS atu hapara intervensaun hanesan ba redasaun midia hotu iha Timor-Leste iha futuru hodi hametin no asegura liberdadae imprensa no liberdade espresaun”.Nia salienta

Conselho de Imprensa hato’o nia apresiasaun ba parte hotu inklui jornalista hirak ne’ebé kontribui ona informasaun hodi kompleta CI nia deskoberta sira kona-ba asuntu ne’e, no enkoraja mídia no redasaun hotu atu hato’o informasaun ba Ci wainhira hetan intervensaun hosi sese  de’it ba sala redasaun sira.

“Rezultadu levantamentu ne’e sei submete ba entidade hirak ne’ebé durante ne’e defende no promove liberdade imprensa hanesan Prezidente Repúblika, Parlamentu Nasionál, PDHJ, Asosiasaun Jornalista sira no sosiedade sivil,  sei submete mós Rezultadu levantamentu ne’e ba SECOMS nu’udar referénsia”. Nia sublinha

Liga ba Revizaun Lei Komunikasaun Sosial kona-ba atribuisaun karteira profissional ba media officer no dadus atribuisaun karteira profisional, Conselho de Imprensa de Timor-Leste firme iha pozisaun katak media officer sira labele hetan Karteira Profesional tanba inkompatibilidade tuir lei komunikasaun sosiál artigu 17⁰ kona-ba Inkompatibilidade.

“Profisaun jornalista nian labele hala’o hamutuk ho funsaun hirak tuir mai: Funsionáriu públiku, Kaer kargu ruma iha órgaun soberania ida, iha órgaun podér lokál sira ka iha lideransa comunitária, Dirije partidu polítiku, Relasaun públika ka asesór imprensa, komunikasaun no imajen, Kualkér atividade ida ne’ebé atu promove bens no servisu sira hanesan publisidade”. Amito Araujo fundamenta

Jornalista : Ekipa Kobertura