Riando & Orlando Lakon Iha Ramelau, APC Sei Halo Estudu Regulariza Vizitantes
Imajem Santuariu Nasional Nain Feto Ramelau
SAPNewsTL, Dili: Hafoin Sidadaun Riando Falo no Orlando Martins lakon iha Santuariu Nasional Nain Feto Ramelau, ikus mai sidadaun nain rua hakotu iis, Iha komunikadu Imprensa Autoridade Protesaun Sivil (APC sigla portuges) haktuir APC sei halo estudu klean ba kondisaun foho Ramelau bazeia ba joven nain rua nia mate hodi aprezenta ba governu kria regra ruma vizitante sira vizita Foho Ramelau.
“Iha tempu badak ami sei hatun ekipa ida atu servisu hamutuk PNTL, F-FDTL no autoridade lokal sira atu haloย estudu ida klean ba kondisaun no situasaun iha foho Ramelau depois ekipa ne’e iha rejultadu ruma, Ita sei propoen ba governu bele hatun regra ruma ne’ebe maka bele tau iha foho Ramelau nune’e ba sira ne’ebe mak halo peregrinasaun ba Foho Ramelau, sira bele iha maneira ruma hodi salva guarda sira nia vida”, dehan Diretorย Nasional Komunikasaun Externa Anacleto Caetano ba jornalista iha caicoli, Dili Sexta 17/02/2023
Imajem Komunikadu Imprensa Autoridade Protesaun Sivil, iha caicoli, Dili Sexta 17/02/2023
Diretor hatutan, APC hakarak hato’o informasaun atualiza situasaunย liga ba viajen peregrinasaunย joven nain rua, Riando Fallo ho Orlando Martins ida hetan iha loron 14 fulan fevereiru 2023 no ida hetan iha loron 16 fulan fevereiru 2023,ย Sira nain rua la salva vida no sira nain rua hetan iha fronteira Atsabe no Ainaru nian, ekipa ne’ebe buka kompostu husi APC Munisipiu Ainaro no Aileuย liuliu iha bombeiruย no seguransa sivil reforsa husi unidade espesialย tun hodi reforsaย ho komunidade ho juventude sira ne’ebe Mak voluntariamente buka joven nain rua to’o hetan, ho nune’e APC entrega ona mate isinย ย ba PNTLย hodi halo investigasaun no otopsia.
Nia Diretorย Nasional Komunikasaun Externa ne’e agradese mos baย ekipa hotu ne’ebe mak involve an buka joven nain rua ne’e liuliuย PNTL autoridade lokal no juventude sira ne’ebe voluntariamente hodi buka joven nain rua noย APC mos hato’oย sentidu kondolensia ba Riando Fallo no Orlando Martins tanbaย la hatene asidente ne’ebe mak sira nain rua hetan nune’e sira reza nafatin atu sira nain rua hetan salvasaun iha reinu lalehan.
Jornalista : Aquelina Mangalhaes