Guvernu Rekruta Tan Trabalhador 142
SAPNewsTL, Dili: Guvernu Konstitusional IX liu husi Sekretaria Estadu Formasaun Profissional no Empregu (SEFOPE) despede tan sidadaun nain 142 ne’ebe sei destaka ba Kompaña 10 iha Australia
Diretor Nasional Empregu Exterior (DNEE) Filomeno Soares hateten, ohin konvida família traballador sira hodi asina deklarasaun katak sira prontu husik oan ba servisu no oan mos prontu ba servisu
“Objetivu konvida familia sira mai iha ne’e hodi husu sira nia aseitasaun hamutuk ho governu katak sira mos prontu ona atu husik sira nia fen, laen, oan no familia sira sai husi sira nia leet atu ba serbisu Iha Australia.” Tenik DNEE Filomeno Soares iha Salaun Timor Lodge,22/09/2023
Diretor Nasionàl ne’e hatutan, laos estadu mak obriga maibe Estadu kria kondisaun, oportunidade mak tenki aproveita, antes atu aproveita oportunidade, sira tenki iha aseitasaun ida husi parte rua hanesan Familia ho governu
“Iha asina deklarasaun ne’e mos para atu hametin diak liu tan karik problema mosu loron ikus tantu iha Timor ho Australia, kuandu problema akontese ita labele dun ba malu, ita mai tur hamutuk hodi resolve tuir aseitasaun ne’ebe parte rua halo.” Nia subliña
Iha fatin hanesan, SEFOPE Rogerio de Araújo Mendonça haktuir traballador 142 ne’e sei ba servisu iha área hospitalidade, agrikultura pekuária, balun sei hein ferik no katuas sira
“Trabalhador sira ne’e ba servisu iha hospotalidade, agrikultura pekuaria,balun ba hein ferik katuas sira, iha area sira ne’e trabalhador sira nia kontratu balun fulan neen, fulan sia no balun tinan haat”. SEFOPE Rogério de Araújo Mendonça hateten
Governante ne’e hatutan, públiku kestiona kona ba tansa la kria kampu traballu iha rai laran maibe haruka tranballador ba servisu iha rai liur, sira ne’ebe ba servisu iha Korea Sul, Australia no Japaun, Sira iha ona kapasidade hodi bele mai loke fali empregu iha rai laran
Entretantu iha vaga servisu hamutuk 12.000 ne’e, Traballador Timor oan balun hetan oportunidade dala rua, dala tolu no dalan haat, Traballador ne’ebe asina akordu hamutuk 142 kompostu husi Feto 51 no mane 91, Traballador hirak ne’e sei ba servisu iha Kompaña 10 iha Australia
Total Trabalhador ne’ebe hala’o servisu iha Australia hamutuk 5012, Guvernu agradese ba guvernu Austrália tanba bele espasu ba Timor oan sira hodi ba servisu, Guvernu sei Kontinua prepara Timor oan sira hodi ba servisu iha rai liu
Partisipa iha Serimónia asina deklarasaun ne’e mak Primeiru Ministru Interinu Mariano Assanami Sabino Lopes, SEFOPE Rogério de Araújo Mendonça, representante Deputada Parlamentu Nasionàl, família traballador no Traballador sira
Jornalista: Ermelinda Soares