Salva Estadu Direitu Demokátiku, CNRT Promete Hamos Foer Sira Iha Guvernu & Parlamentu
SAPNewsTL, Dili : Iha kampanha loron ikus, Presidente Partidu Congresso Nacionál Reconstrução Timorense (CNRT) Kayrala Xanana Gusmão hatete, wainhira CNRT manan tenki salva estadu de direitu no demokrátiku
“Importante tebes ba imi, atu deside mak CNRT tenki salva estadu de direitu no demokrátiku, vota ba CNRT, imi vota imi nia futuru, wainhira kaer guvernu sei korije no hamos foer sira ne’ebe sira tau hela iha guvernu no parlamentu ne’eba, nune’e to’o tempu imi kaer karik iha ona ezemplu”. Tenik Presidente Partidu CNRT Kayrala Xanana Gusmão, liu husi komísiu iha tasi-tolu, 18/05/2023
Presidente Partidu CNRT mos hatutan, wainhira manan sei altera hikas lei Zonas Especiais de Economia Social de Mercado Timor Leste (ZEESM-TL) no Lei ba Munisipiu hodi transforma sai zona espesial
“CNRT sei altera lei ZEESM-TL no Lei ba Munisipiu Atauro ba zona espesial ida tanba Atauro nakonu ho biodiversidade no uniku iha mundu”. nia promete
Entretantu, Iha Komisiu ne’e hetan partisipasaun maksimu husi militante sira iha kapital Dili, komísiu ne’e hetan seguransa husi PNTL, BOP no observasaun husi observador nasionál no internasionál sira
Tuir Observasaun SAP News nota katak komisiu loron ikus Partidu CNRT nian ne’e halibur ema barak liu kompara ho partidu sira seluk, kampanha ne’e mos la’o iha paz, amizade no estabilidade
Jornalista : Ermelinda Soares