SECOMS & Instituto Camões Konkorda Fo Formasaun Lian Portugés Ba Jornalista Sira

SAPNews TL,DiLi– Presidente Instituto Camões hamutuk ho Sekretario Estado Comunicão Sosiál (SECOMS sigla Portugues,), Expedito Dias hasoru malu, objetivu husi sorumutu ne’e hodi hala’o kooperasaun kona ba dezenvovimentu lian portugues liu husi komunikasaun sosial.

Secretario Estado Comunicão Sosiál hateten katak hasoru malu ho presidente instituto nasional camões atu koalia kona-ba oinsa investimento husi instituito ne’e ba lian portugues liliu formasaun ba jornalista sira.

“Ohin ami ko’alia oinsa desenvolvimentu lian portugues ba komunikasaun sosial, tanba durante ne’e institutu camões halo kooperasaun no apiou governu anterior no agora ho IX governu konstitusional, ita la’o kooperasaun ba daruak nian hodi hala’o formasaun lian portugues husi CLJ no ohin ami konkorda hodi kontinua formasaun lian portuguesa ba jornalista sira.”Dehan Secretario Estado Comunicão Sosiál Expedito Dias ba jornalista sira iha, Palasiu Governu,Quinta-feira(09/05/2024).

SECOMS saleinta katak kooperasaun ne’ebe mak sei halo instituto Camões ba faze datoluk nia sei prefere ba jornalista, editor no sefe redasaun sira ne’ebe mak hatene lian portugues hodi kontinia estudu iha nivel akademiku nian.

“Tinan ida ne’e ami sei halo ba faze datoluk nian, no iha faze ne’e sei modifika oinsa jornalista sira laos deit tuir formasaun ho tempu badak maibe oinsa jornalista, editor no sefe redesaun sira ne’ebe hatene lian portugues bele tama iha universidade departamentu Comunicão Sosiál”. Nia haktuir

Governante ne’e informa katak Instituto Camões sei kontinua investe ba lian portugues iha Timor laran tomak no sei fo atensaun ba media hotu-hotu atu bele hatene hakerek no le’e iha lian portugues.

Iha fatin hanesan, Presidente Institutu Camões Dra. Ana informa Portugal hakarak kontribui dezenvolvimentu Timor nian liliu iha area komunikasaun sosial.

“Institutu Camões mai hasoru hasoru autoriedade Timorense hodi ko’alia no rona kona ba prioridade sira ne’ebe bele kontribui ba dezenvolvimentu Timor nian liliu iha area komunikasaun sosial hodi fo formasaun lian portuges ba jornalista sira”. Presidente institutu Camões Ana hateten.

Presidente Institutu Camões ne’e hatutan, sira nia parte haree formasaun ne’ebe kona ba hakerek jornal, programa televizaun no kontextu Comunidade dos Paises da Lingua Portugueza (CPLP) tanba Timor Membru ida husi CPLP no bele halo promosaun ba lian portugés

Enkuantu, Formasaun lian portugés ba jornalista Timor sira antes ne’e halo ona ba faze daruak, iha hasoru malu ne’e parte rua diskute ona oinsa bele kontinua formasaun ba faze datoluk tanba Portiugal no Timor Leste konsidera lian Portuges prioridade ba rai rua nia komunikasaun.

Jornalista : Dircia Baptista Belo