SEFOPE : Kandidatu Sira Ne’ebe Very Poor, Bele Tuir Formasaun Iha Dili

SAPNewsTL, Díli – Hafoin partisipa iha despedida trabalhador ne’ebe atu bá servisu iha Korea Sul, Sekretáriu Estadu Formasaun Profesional no Emprego (SEFOPE) Rogeiro Araújo Mendonça hateten, kandidatu sira ne’ebe tuir vaga teste online la passa la signifika hotu-hotu tenki bá tuir formasaun iha munisipiu.

“Atu hateten deit katak la’os hotu-hotu fila bá munisipiu, sé mak kontinua hela universidade, entaun nia bele asesu mós bà sentru formasaun sira ne’ebe akreditavél iha Dili”.

“Sira ne’ebe maka iha dili hela deit ho familia ka aluga deit, se diak liu ne’e ita fasilita fila fali sentru formasaun ne’ebe akreditavel iha munisípiu, nune’e bele fasilita joven sira tuir formasaun iha munisipiu, depois sira mai update(apresenta) fila fali iha sistema.” dehan SEFOPE Rogeiro Araújo Mendonça ba jornalista sira iha salaun Timor Lodge,Quarta-feira,14/08/2024.

Nia hatutan, joven sira ne’ebe tuir ona formasaun tenki update(aktualiza) fila fali sira nia sertifikadu, nune’e sira ne’ebe diak ona bele enkaixa bá sistema empergador bele hili fila fali sira.

“Sira ne’ebe tuir ona formasaun ne’e tenki update(apresenta) fila fali sira nia sertifikadu, nune’e sira ne’ebe diak ona, ami enkaixa sira bá sistema hodi empergador sira bele hili sira hanesan ho sira nia maluk ne’ebe hetan ekselente maibe sira tenki update (apresenta)sira nia sertifikadu.”Informa SEFOPE Rogério

Rogério Araujo husu joven sira hodi tuir formasaun iha sentru sira ne’ebe hetan ona akreditasaun liu hosi INDIMO fo lisensa, enkuantu sira ne’ebe tuir formasaun iha sentru ne’ebe seidauk akreditadu, SEFOPE sei haree fila fali sira abilidade tuir sistema.

“Importante tenki tuir formasaun iha sentru ne’ebe akreditavel husi INDIMO fo lisensa operasaun bá sira, sé balu ne’ebe maka foin loke loron rua (2) ka tolu (3) ne’e ami sei hare fila fali iha sistema ne’e tama iha sentru registradu ka lae,nia tama iha sentru komunitáriu ka lae”.nia Informa.

Iha adisaun, serimónia despedidade ne’ebe SEFOPE hala’o iha salaun Timor Lodge ne’e traballador hamutuk 67, traballador hirak ne’e sei ba servisu iha Korea Sul iha tempu badak.

Jornalista : Conzita Mota