SEFOPE Sei Haruka Fila Traballador Ne’ebe Uza Atributu GAM Treinu Iha Austrália
![](https://sapnewstl.com/wp-content/uploads/2024/08/IMG-20240814-WA00472.jpg)
Imajem : Secretario Estado Formação Professional e Emprego, Rogeiro Araújo Mendonça iha Salaun Timor Lodge, 14/08/2024. Foto : Conzita Mota
SAPNewsTL, Díli – Secretario Estado Formação Professional e Emprego(SEFOPE sigla portugé) sei identifika no haruka fila trabalhador Timoroan ne’ebe uza atributu Grupu Arte Marsiais (GAM) hodi halo atraksaun no treinu iha Australia.
SEFOPE Rogeiro Araújo Mendonça deklara trabalhador ne’ebe uza atributu arte marsiais iha Australia sei haruka fila mai Timor-Leste tanba kontra regras ne’ebe estabelese hosi governu.
“Hahu husi 2009 to’o 2024 trabalhador sira ne’ebe servisu iha Australia, Korea Sul no Japaun seidauk iha konflitu no uza atributu arte marsiais maibe foin lalais ne’e maka trabalhador balu ne’ebe uza fila fali atributu arte marsiais nia hodi bá halo atraksaun no treinu iha Australia”.
“Atu dehan katak ne’e governu laos kompanha, sé ita bo’ot sira halo ida ne’e ha’u sei hamutuk ho embaixador Australia iha Timor Leste, Adidu no kompanha hodi identifika no haruka sira fila mai Timor-Leste tanba ne’e kontra regras ne’ebe estabelese”.Tenik SEFOPE Rogeiro Araújo Mendonça ba jornalista sira iha Salaun Timor Lodge, 14/08/2024
SEFOPE konsidera trabalhador sira ne’ebe uza atributu arte marsiais no Rituias, ne’e viola regras ne’ebe estabelese husi governu.
“Husu kompanha hodi haruka sira fila tanba ne’e kontra regras ne’ebe governu trabalhador sira asina antes ona entre governu, família no traballador”. Rogério sublinha
Governante ne’e deklara tempu kleur ka lais, governu sei servisu hamutuk ho kompanha sira hodi haruka sira fila tanba la obedese ba regra ne’ebe iha.
“Tempu badak ka naruk governu sei haruka sira fila tanba dalaruma sira senti katak sira iha ona osan barak, entaun halo fali atraksaun no treinu iha ne’ebá”. Deklara SEFOPE
Enkuantu, ohin SEFOPE despede tan traballador na’in nenulu resin-hitu (67) entre sira Re-entry na’in 6, na’in 26 sei servisu iha fábrika no 35 servisu iha peskas.
Jornalista : Conzita Mota & Juvita Guterres