SEKomS Husu Lider Mídia Nasionál Garante Kapasidade Profisional Jornalista Nian
Imajem : SEKomS Expedito Dias Ximenes hala’o enkontru ho lideransa mídia nasionál sira iha Palasiu Governu Dili, 17/03/2025. Foto
SAPNewsTL, Díli : Sekretáriu Estadu Komunikasaun Social (SEKOMS) Expedito Loro Dias Ximenes, hasoru malu ho Diretor informasaun no xefe redesaun média konvensional no plataforma digital hodi fahe hanoin kona-ba kódigu étika jornalismu no jogu CPLP.
“Ohin enkontru hamutuk ho Diretor Informasaun, Xefe Redasaun no Editor sira iha pontu importante rua primeiru maka papel jornalista nian ka étika jornalista iha orgaun soberanu tolu, jornalista ne’ebe destaka iha Palasiu Prezidente, Palasiu Governu no Parlamentu Nasional”.Tenik SEKomS Expedito Dias Ximenes ba Jornalista sira Palásiu Governu Dili, 17/03/1025
Governante ne’e husu ba jornalista sira ne’ebé destaka iha Palásiu Presidente, Palásiu Governu no Parlamentu Nasionál tenki iha kapasidade diak, análiza no informasaun ne’ebé kualidade.
“Ita tau jornalista sira iha Beat tolu (3) ne’e tenke iha kapasidade ne’ebe diak atu bele analiza no fó informasaun ne’ebe kualidade, se bele tau ita nia jornalista senior sira, jornalista lahatene halo analiza susar ba ita atu kria pergunta no forma notisia ne’ebe tuir padraun jornalista nian, dala ruma ita nia notisia ne’e fo sai dala barak halo públiku duvida ba notisia”.
“Jornalista sira ne’ebe destaka orgaun soberania tolu ne’e sei bele jornalista ne’ebe senior ou jornalista ne’ebe ho aprezentasaun diak iha rezultadu produtu ne’ebe kualidade iha kapasidade profisional, tékniku no notísia ne’ebe kualidade diak”.Nia sublina
Tuir mai, SEKomS mós aktualiza ba lideransa mídia kona-ba jogu Comunidade dos Paises da Lingua Portuguesa (CPLP) ne’ebé sei realiza iha fulan jullu tinan ne’e.
“Segundu kona-ba kobertura iha atividade kobertura ba 20 de maio tanba ne’e Konsellu Imprensa hamutuk ho Sekretariu Estadu Komunikasaun Sosial atu haruka jornalista sira ba kobertura iha munisipiu”.
“Iha fulan Junhu, CPLP sei realiza asuntu desportu ne’ebe servisu hamutuk ho Ministériu Juventude Desportu Arte no Kultura (MJDAK)”.
Imajem : SEKomS Expedito Dias Ximenes
SEKomS hatutan, Direitor no Xefe Redasaun sira hatene no hadia desenpenhu media ida-idak nian no meius komunikasaun.
“Jornalista kompete la’os atu média ida hatun média seluk maibe kompete kualidade notisia, kualidade informasaun laos haree ba média ne’ebe kiik no boot maibé haree nia produtu, bainhira públiku ne’e fo fiar atu respeitu media ne’e iha determinasaun iha kualidade informasaun”.
“Hetan informasaun tenki investiga, chek, rechek, ho crosschek ne’e ita iha dadus ne’ebe kompletu atu notisia no fo sai labele halo ita nia públiku sira dúvida”.
Enkuantu, Expedito mós husu ba mídia nasionál sira hotu atu evita poder polítiku no poder ekonómiku maka media hotu tenki iha konselhu redasaun hodi labele interven produtu jornalístiku tuir lei komunikasaun sosial.
Jornalista : Ermelinda Soares & Dircia Baptista Belo
