Selebra 14 Fevereiru ! Foinsa’e Soibada Halo Asaun Karitativa
SAPNewsTL, Manatuto – Loron 14 fulan Fevereiru nu’udar loron ksolok Domin nian ou Valentim Day ka Dia dos namorados/a ne’ebe mundu tomak festeza liu husi hatudu domin ba malu, foinsa’e sira husi Bairo São Francisco Xavier, ho fuan bo’ot hatudu sira nia domin liu husi halo asaun karidade ba ema kbiit laek sira iha postu administrativu Soibada Munisipiu Manatuto.
Ohin,14 fevereiru 2024, ksolok loron domin nian, ou hari kasih sayang ba ema hotu-hotu iha mundo tomak, inklui mos Timor-Leste loron ne’ebe tinan-tinan ema hotu-hotu sempre selebra fo kado ka troka kado ho namorados/a familia, Pai, Mae no sosiadade hotu ne’ebe pertense iha ambiente mundu nian.
“Hanesan mos loron dahuluk hadera aan iha tempo koresma nian. Tanba ne’e ami joven husi Bario São francisco Xavier ( Lamean hun ), ho laran ksolok tebes iha loron domin ida ne’e, ami la hatudu domin deit ba namorado/a maibe joventude ne’ebe ho fuan bo’o, vontade no inisiativa halo asaun karidade ba ema kbiit laek sira iha Suku Leo-hat, Suku Manlala , Suku Uma-kerek, no Fatu-maquerek, ne’ebe hola parte iha Postu administrativu Soibada” SAPNewsTimor-Leste asesu liu husi publikasaun pajina Facebook, Joventude Bairo São Francisco Xavier, Quarta (14/02/2024)
Joventude sira haktuir, hafoin hala’o asaun karidade, belun kbiit laen balun ho felisitasaun kontente hato’o ba sira ho lian ksolok domin nian ba oan doben sira ne’ebe vizita sira.
“Ami kontente ho imi nia prenjensa maske iha minutu balu deit. Liu husi asaun hirak ne’e hatudu sentidu domin nian laos ba namorados/a deit maibé prova katak domin ne’e atu kuidadu malu respeita malu iha tempu defisil nia laran”.
Enkutantu, tuir observasaun SAP News iha territóriu nasional iha loron 14 fevereiru ne’e ema barak parsipa iha selebrasaun loron kuarta feira sinzas inklui hasoru malu hodi hato’o sira nia sentidu amizade no domin ba malu, la hanesan ona tinan sira ba kotuk mosu kazu oioin iha sosiedade nia let.
Reportagem : Guilhermino da Cruz Ra