Selebra Loron Tais, Governu Inklina Soru Nain Iha Expozisaun
Soru Nain Soru Tais
SAPNewsTL, DILI : Governu liu Sekretariu Estadu Arte Kultura (SEAK) konvida soru nain husi munisipiu partisipa expozisaun Tais iha selebrasaun Tais dahuluk Timor-Leste hodi hamorin idantidade nasional.
Timor Leste Selebra dahuluk loron nasional Tais tanba tais sai hanesan elementu kultural patrimonio iha Timor Leste,ย atividade ne’e hodi halibur inan fetonย no soru nain sira husi munisipiu, atu hatudu katakย loron ne’e espesial tebes no sai historia ba Timor Leste ne’ebeย ko’alia kona ba tais original la hanesan tais klasikuย susar tebes tanba parte hotu tenki hamutuk tau matan ba soru nain sira
“Konvida ita nia soru nain sira husi munisipiu mai para atu partisipaย expozisaun taisย hamutukย ho estudante siraย mai halo atividade konversa kulturalย kona-ba tais, halo pinturaย halo fotoย ba tais, halo marsa no sira mos halo atividade lubuk boot ida ne’ebรฉ halo relasaun liliu ko’alia kona ba tais deit hodi hamorin Identidade nasional”, dehan Diretor Jeral SEAK Manuel Smith ba jornalista iha Salaun Sentru Konvensaun Dili (CCD sigla Portugรฉs) Tersa (13/12).
Estudante Universitariu, Marquita dos Santos
Iha fatin hanesan Estudante Universitariu, Marquita dos Santos haktuir, joven milenial labele haluha identidade kultura ne’ebe bei ala husik hela
“Ita nu’udarย joven milenial moris iha era globalizasaun,ย ita labele haluha ita nia identidade kulturรกl ne’ebรฉ maka ita nia beiala sira husik hela mai ita, ita tenki prezerva no promove identidade Timor-Leste nian liu husiย tais iha mundu internasionรกl, tan ne’e presiza ita nia komunidade no estadu Timor-Leste serbisu hamutuk hamorin identidade nasional ne’e”, Marquita hateten
Nia hatutan, agora dadaun sira kria grupu kriatividade ida hanaranย domin ba Tais ka (Domais) ne’ebe foin halo lansamentu ba grupu ne’e iha selebrasaun dahuluk loron nasionรกl tais ne’ebe sira sei organiza hodi hakbesik ba feto maluk sira iha komunidade nia leet, atu adopta sistema soru tais tuir beiala sira nia hanorin, atu bele dezenvolve no promove identidade tais sai hanesan identidade uniku iha nasaun ida ne’e
Estudante ne’e dejejadu liu husi grupu ida ne’e sira beleย fornese formasaun ba komunidade sira kona ba soru tais hodi preserva no promove Tais Timor-Leste husi Munisรญpiu 13 inklui RAEOA ba nasaun dezenvolvidu sira iha futuru, nune’e identidade ida ne’e labele lakon presiza konsiensia ema hotu nian ho vontade kriativu hodi produs tais ho di’ak liu tan, tuir kultura Timor-Leste nian, tanba tais Timor hetan ona rekoรฑesimentu husi UNESCO.
Enkuantu, antes komisaun organizadora mos realiza marsa ba tais, seminariu kona’ba tais hodi fanun sosiedade nune’e bele fo importansia ba tais ne’ebe sai ona identidade timor oan sira nian, inklui governu mos halibur soru na’in sira husi munispiu sanulu resin tolu (13) inklui RAEOA
Reportajen : Antonio Tilman
Editorย ย ย ย ย ย : Ekipa Editorial