Uma Kain Suku Malabe 482 Simu Ona Subsidiu 200 USD

SAPNewsTL, Ermera : Komunidade Uma Kain 482 husi Suku Malabe Postu Administrativu Atsabe, Munisipiu Ermera simu ona subsidiu $ 200 husi governu ba tinan ikus nian.

“Suku Malabe ho total uma kain 482 ne’ebe mak atu simu subsidiu 200 USD ne’ebe  ohin ita halo atendementu ba 210  ida ne’e mak ohin ita hahu fo ona subsidiu ne’e no uma kain sira seluk ba loron aban fali, komunidade utiliza atu simu subsidiu ne’e mak eleitoral ka Billeti Identidade (BI) ho fixa familia tenke kompletu”, Dehan Xefe Suku Malabe  Adelino Gomes Pereira na Jornalista SAPNewsTL Iha Sede Suku Malabe, kuarta (14/12).

Xefe Suku hatutan, tuir orariu ne’ebe mak  simu husi administrasaun munisipiu ne’e  haree husi suku ida ne’ebe nia populasaun barak liu  entaun sira nia suku  tenke simu uluk, suku Malabe kompostu husi aldeia haat  populasaun aas uitoan ne’ebe   ohin sira hahu pagamentu subsidiu tinan ikus nian

Nia informa, nu’udar autoridade lokal hakarak fo hatene ba komunidade sira tenki rai diak dokumentu sira para bele simu subsidiu no labarik sira utiliza ba eskola ho diak

“Ha’u hakarak fo hatene ba komunidade sira,  dokumentu  hanesan fixa familia no eleitoral ka BI tenke kuidadu   mos lalika les, tenke rai halo diak para simu subsidiu ne’e atu labele difikulta  mai ami autoridade ba futuru, ita nia oan sira eskola presiza dokumentu hirak ne’e ne’ebe ba dokumentu sira ne’ebe laiha asinatura ka la tau karimbu no asina iha sefe suku uluk nia tempu ohin ha’u halo kompletu kedas,para sira bele hetan sira ninia direitu”. tenik Adelino

Jornalista : Ekipa Kobertura

Editor        : Ekipa Editorial