Servi Nasaun & Igreza ! Pe. Pascoal : Saudozu Simão Hatudu Ispiritu Nasionalismu & Patriotismu

SAPNewsTL, Lautém : Sarani Puno hamutuk ho familia matebian Saudozu Simão Mendes da Conceição halo misa agradesimentu iha kapela Sagrada Coração de Jesus Puno molok halot mate isin ba nia fatin deskansa ikus.

Iha selebrasaun misa eukaristia hamutuk ho sarani no familia matebian harohan no husu Nai Maromak nia laran sadia no perdaun simu maktoban Simão Mendes da Conceição ne’ebe Na’i bolu ona husi ita nia leet.

Pe. Pascoal Natalino Soares Moniz hateten moris iha mundu hanesan ema la’o rai, bainaka ne’ebé moris temporaria deit hakarak ka lakoi loron ida sei fila ba dalan rohan iha Na’i Maromak nia reiñu.

“Ita nia prezensa iha mundu hanesan ema la’o rai no hanesan bainaka ho karakter temporaria de’it, tanba ne’e hakarak ka lakoi loron ida ita sei lao to’o iha dalan rohan iha Nai Maromak nia uma no nia reiñu”.

“Jesus Kristu rasik dehan iha biblia sagrada katak “imi hela iha mundu imi laos mundu ne’e nian, basa imi horik fatin lolos maka reiñu lalehan ne’ebe sai hanesan paradeiru final ita sarani fiar nain hotu nian”. Dehan Pe. Pascoal Natalino Soares Moniz iha kapela Sagrada Coração de Jesus Puno, 31/12/2024.

Pe. Pascoal salienta, matebian katekista Simão Mendes da Conceição nia domin ba familia labele sukat, nia fiar ba Maromak ne’ebé haklaken liu hosi kna’ar katekista no ema lubuk ne’ebé simu sakramentu baptismu liu hosi nia nia sakrifisiu, kna’ar hanesan mensajeiru ne’ebé folin tebes Maromak sei rekonpensa buat hotu ne’ebé nia halo durante nia moris iha mundu.

“Katekista Simão Mendes da Conceição nia domin sasukat laek ba família, nia fiar ba Maromak ne’ebé haklaken liu hosi kna’ar katekista, ema lubuk ne’ebe hetan sarani liu hosi nia sakrifisiu, kna’ar hanesan mensajeiru kristu nian ida ne’e mak folin tebes ba nia, Nai Maromak sei rekonpensa ba sakrifisiu hotu-hotu ne’ebe nia halo iha nia moris”.

“Ohin ita hotu-hotu rona nia biografia ne’ebé hatudu nia domin liu hosi espiritu nasionálismu no patriotizmu ba rai ida ne’e iha prosesu ukun rasik aan nian, ita parokia Lautém lakon katekista reformadu”.

“Nune’e ita hotu harohan no reza atu nia klamar bele hetan naroman no salvasaun hodi bola parte iha Maromak nia kadunan santu. Hakarak ka lakoin to’o tempu ita hotu sei la’o tuir dalan ne’ebé matebian oras ne’e liu hodi to’o ona iha dalan rohan (mate)”.

“Ita nia moris hanesan du’ut ida ne’ebe anin hu’u bosok nia lakon hosi ita nia matan, dader loro matan sa’e hakarak ka lakoi lorokraik nia sei haksumik an hosi ita nia matan, ai-hun bo’ot ida ne’ebe hatudu nia aan boot maibe loron ida nia sei tohar ka baku fila, nune’e mos hanesan ita ema nia moris iha mundu, maske ita patarata goja mundu ne’e nia furak no nia beleja maibe keta haluha buat hotu-hotu sei lakon no naben”.

“Maske ita lakon hosi familia nia leet husi ita nia matan maibe espiritu ka klamar ne’ebe Nai Maromak haraik mai ita ida ne’e sei la lakon, permanente ba nafatin hodi fila fali ba moris iha mundu ne’ebe Nai Jesus prepara ona ba ita nu’udar kriador”.

Mate nia konsekuensia sempre lori sentimentu tristeza, tanis maibe ida ne’e maka destinu planu Nai Maromak nian ba ema idak-idak.

Matebian ninia sakrifisiu, domin no responsabilidade nu’udar aman ida iha familia nia hatudu, realiza no halo tuir, hahalok diak matebian nian liu-liu ninia konvensaun fiar nian ba Nai Maromak hodi saran nia an voluntariamente servi uma kreda, Maromak nia povu no servi rai ida ne’e”.

“Ida ne’e sai hanesan memoria ida ne’ebe ita labele haluha, memoriq ne’ebe nia husik hela ba familia no jerasaun husi otas ba otas lembra nafatin ita ita nia kamiñada iha mundu ida ne’e, hanesan ohin iha biblia Jesus Kristu hateten katak “Ha’u mak dalan, lialos no moris”.

Dalan atu hetan salvasaun liu hosi Na’i Jesus Kristu ne’ebe sarani foin selebra nia nasimentu ne’ebe hola isin iha mundu rai-klaran balada han fatin, Nai kosok oan nia prezensa sai sinal konkretu Maromak nia domin ba ema.

“Lia loos ne’ebe nia haklaken ba ita, lia los Maromak nian ida ne’ebe maka lori ita ba hetan moris rohan laek, bainhira ita fiar iha Nai Jesus Kristu maske ita mate maibe loron ida ita sei moris hias hamutuk ho kristu Jesus”.

Tuir mai, lee Saudozu Simão Mendes da Conceição nia biografia kompletu iha lian Portugues.

Saudoso Simão Mendes da Conceição nasceu em Puileti, aldeia Puno, suco Pairara Posto Administrativo Lautém, concelho de Lautem, Timor Português no dia 2 de Fevereiro de 1948, filho de Lamberto Palha Rusa O’o Lavan e Margarida Da Conceição estudou no colégio de São João Bosco em Fuiloro tendo concluido a quarta classe em 1966.

Em 1970 saudoso Simão Mendes da Conceição segiu novo rumo na sua a vida deixando a vida de solteiro, contraiu matrimónio com a senhora Helena de Jesus Santos filha de Reti Puno natural de Puno e de Maria Cristina natural de Baduro e residente em Puno. Deste casamento o casal teve 9 filhos, 7 filhas e dois filhos. 1. Pascoela Mendes da Conceição a primogenita 2.Alda Mendes da Conceição 3.Alcina Mendes da Conceição(falecida) 4.Alice Mendes da Conceição 5. Martina Viana 6. Anabela de Jesus 7. Verónica Mendes da Conceição 8. Francisco Xavier Mendes Lopes e Francelino Mendes da Conceição. Deste numeroso de filhos o saudoso Simão Mendes da Conceição tinha no total 37 netos, rapazez e raparigas.

Em 1972 até 1975 alinhou-se na segunda linha (forças de reserva logo a seguir dos militares efetivos) participou na luta inicial contra as Forças Armadas da Indonesia durante as incursões na fronteira muito antes da invasão massiva ter tido lugar em 7 de Dezembro de 1975. Teve que evacuar com a familia para o mato aquando da descida de paraquedistas em Lospalos no dia 3 de Fevereiro de 1976 como meio antecipativo de proteção sob ordens das Falintil.

Em 1980 foi pastor de rebanho de Deus alias, catequista na aldeia de Puno até 2007 tempo em que ele reformou por razões de idade.

Participação na luta pela Libertação Nacional:

07-09-1975-05-10-1975 foi soldado falintil (Comandante Sargento José dos Santos) 03-02-1976 30-04-1976 foi soldado falintil (Cdt Lamberto Coimbra/Lava Colimau)

01-01-1979-02-03-1981 ativista periodo CRRN (Cdt Antonio Marques Cabral)

03-03-1981-31-03-1981 ativista periodo CRRN (Cdt Antonio Marques Cabral)

10-05-1989-31-12-1992 membro ligação e informação( Resp. Abílio Napoleão da Cruz)

01-01-1993-06-04-1996 Mbr Lig Inf period CRRN(Resp. Abílio Napoleão da Cruz

05-04-1999-30-08-1999 Membro Lig e infomação periodo CNRT( Cdt Kasian)

BOA VIAGEM AO REINO DA GLÓRIA e obrigado pelos bons feitos na dificil derradeira jornada pela Libertação Nacional que o Deus do Amor e da Paz te concede um lugar apropriado no Reino da Sua Glória.

Eis a breve biografia do Saudoso Simão Mendes da Conceicão obrigado á todos pela atenção.

Enkuantu, Saudozu Simão Mendes hakotu iis iha loron 27 fulan Dezembru tanba hetan atakasaun dereprente, familia halot ona saudozu ba nia deskansa fatin ikus iha loron 31 fulan Dezembru 2024.

Jornalista : Marciana Da Conceição