Sidade Dili Iha Tempu Udan ! Komunidade Barak Sempre Sai Vítima
SAPNewsTL, DILI-Durante udan bo’ot iha oras ha’at nia laran hamosu inundasaun, bee tama iha komunidade nia uma no be’e nakonu iha estrada laran.
Tuir observasaun Mídia SAPNewsTL katak maiz ou menus iha tuku rua akontese udan bo’ot iha kapital Dili durante oras haat nia laran hamosu inundasaun iha fati-fatin tanba lixu plástiku ne’ebe mak intupidu iha valeta.
“Udan boot durante oras 4 nia laran rejulta be’e nakonu iha estrada laran no bee tama komunidade sira nia uma hela fatin, bee nakonu estrada ho razaun tanba lixu taka metin valeta no intupidu rezulta lixu sira naklekar iha fatin públika sira liliu iha Taibesse, Kaikoli, Bidau, Bairo Pite, Balide, Bekora no seluk tan”. SAPNews akomapnha iha terenu, Dili, 16/02/2
Be’e nalihun no lixu iha estrada laran tanba kauza husi komunidade sira so’e foer arbiru nune’e foer sira intupida no hamosu inundasaun iha fatin oioin.
Iha parte seluk, bee tama uma komunidade tanba kaudal husi bee dalan ne’ebe klot la responde ba volume mota ne’ebe boot ikus mai komunidade sira sai vítima ba fenómena udan boot ne’ebe akontese.
“Ita mos bele haree, sedimentasaun husi husi foho mota lori taka bee dalan sira halo klot, entaun ho kaudal ne’ebe kiik la hatan ba volume bee ne’ebe boot, ita haree mota ulun kaudal bee luan, mota klaran kaudal bee klot no mota ain sai klot liu tan tanba komunidade sira halo uma besik liu mota, ate uma barak halo iha valeta ninia ninin sira, portantu realidade ne’e difisil ho prevene ka mitiga inundasaun sira ba futuru”. SAPNewsTL nota
Enkuantu lixu ne’ebe sempre nakonu iha estrada laran mak hanesan aqua mamuk, ropa aat, kalen aat no plastiku aat sira
Maske nune’e, maibe Governu liu husi Ministériu Obras Públikas (MOP) halo ona intervensaun ba estrada sira ne’ebe sedimentasaun tama, valeta sira ne’ebe intupida, Sekretaria Estadu Protesaun Sivil mos halo ona evakuasaun ba komunidade ne’ebe afetadu inundasaun iha kapitál Dili.
Jornalista : Isabel de Jesus