Imajen Presidente Republika Jose Ramos Horta no Primeir Ministru Taur Matan Ruak iha Palasiu Presidensial Nikolau Lobatu, Dili, 01/12/2022. Foto : Media PR
SAPNewsTL (Dili) : Primeiru Ministru Taur Matan Ruak hasoru malu ho Presidente Da Republika Jose Ramos Horta iha Palasiu presidensial Nicolau Lobato Bairo-Pite Quinta feira ne’e.
Hafoin enkontru semanal ho Prezidente Da Republika, Xefe Governu hateten, relasiona ho publiku nia preokupasaun kona ba subsidiu fim do ano ne’ebe Presidente Da Republika promulga ona sei fahe iha fulan Dezembru nia laran
“Ha’u hanoin hahu ona karik. se sira seidauk hahu ne’e tenki tama iha fulan ida ne’e”( Dehan xefe Governu hafoin sorumutu ho PR HORTA Iha Palasiu presidensial Nicolau Lobato Bairo-Pite Quinta feira nee 1/12)
Tuir Primeiru Ministru Taur Matan Ruak, subsidiu fim do ano tenki halo pagamentu iha fulan Dezembru nia laran.
“Tama Fulan Dezembru ne’e film do Ano, mais sistema kompletu ona para kuandu hahu tutuir malu to’o remata”.(haktuir Xefe Governo Matan Ruak).
Enkuantu, ligado ho Presidente Da Republika kritika sektor Justisa iha loron proklamasaun Independensia ba dala 47 Primeiro Ministro Taur Matan Ruak la halo komentariu.
“Ha’u la halo komentariu ba kritika Presidente Da Republika nian maibe saida mak Governo halo kontinua servisu ho sektor Justisa hodi bele iha kbiit liu tan”.nia haktuir
Jornalista : Vinsensius saldanha Morais De Araujo