Telkomcel Sensibiliza “Empoderamentu Digital” ! Joana : “Estudante Sai Ajente Ba Mudansa”.
Imagem : Gerente Corporate Communication Joana Miranda iha kampu Balibo Villa, 14/10/2025.
SAPNewsTL, Bobonaro : Komemora trajedia Balibo five ba dala-50 no loron liberdade imprensa ba dala-3, Operador Telekomunikasaun Telekomcel sensibiliza informasaun ho tema “Empoderamentu Ba Dijital” ba estudante sira iha munisípiu Bobonaro postu administrativu Balibo.
Marciana Da Conceição Jurnalis – Mídia Sapnews
Gerente Corporate Communication Telkomcel Joana Miranda hateten, empoderamentu dijitalizasaun ne’e importante no presiza atu sensibiliza informasaun hirak ne’e ba estudante no joven tanba sira mak sai autor no ajente ba mudansa.
“Ohin iha mini seminariu ho tema “empoderamentu ba dijital” ne’ebé haree liu ba iha dijitalizasaun, ami sente katak ida ne’e importante tebes no presiza atu sensibiliza informasaun ne’e ba estudante sira tanba estudante no joven maka sai autor no ajente ba mudansa dezenvolvimentu nia iha setor ida ne’e”. Dehan Gerente corporate communication Joana Miranda ba jornalista sira hafoin remata formasaun iha kampu Balibo Villa, 14/10/2025.
Nia afirma, empoderamentu dijital oinsa bele utiliza teknolojia liu-liu rede internet ho responsabilidade, bainhira utiliza sala bele sai vitima ba teknologia.
“Iha empoderamentu ba dijital ne’e oinsa ita bele utiliza telekomunikasaun liu-liu rede internet ho responsabilidade tanba dala barak ita utiliza sala, ita mak sai vitima ba teknolojia”. Nia subliña.
“Telekomcel nia prezensa iha ne’e hakarak atu eduka foinsa’e sira liu-liu iha fatin ida ne’e atu sira bele iha koñesimentu ba utilizasaun teknolojia ho lolos, oinsa buka referensia ba eskola nian hodi tulun sira atu eleva sira nia kapasidade”. Nia hatutan.
Estudante Ensinu Sekundariu Jeral Dom Martinho Balibo Five Diana Olga Maia akresenta, hafoin tuir formasaun sira aprende oinsa utiliza media sosial hodi buka referensia iha aprendijazen nian.
“Ohin ne’e ami aprende kona-ba oinsa utiliza teknolozia ho diak liu-husi plataforma online ne’ebe hafasil ami hodi buka referensia kona-ba estudu nian, a gradese tanba Telkomcel bele fasilita informasaun ne’e ba ami”. Nia sublinha
Entretantu, operador telekomunikasaun telekomcel servisu hamutuk ho Konselu Imprensa no SEKOMS hodi fasilita formasaun ba estudante sira iha postu administrativu Balibo Villa, iha formasaun ne’e hetan partisipasaun masimu husi estudante no profesor husi eskola Estudante Ensinu Sekundariu jeral públiku Dom Martinho Balibo Five.